Wednesday, November 27, 2013

කවුරුන්ද ගිනිගෙයට ඇදෙන්නේ


පතන බිම් වසාගෙන
නැඟෙන දුම් කපාගෙන
කෙසඟ සල රුවක් ඇස ගැටෙන්නේ
උකුල දිය තියාගෙන
හිසෙහි බර දරාගෙන
කවුරුන්ද ගිනිගෙයට ඇදෙන්නේ

තෙතබරිත කෙහෙරැළෙන් තව සීත දැනෙන්නේ
අවට වට හීන් අඹමල් පුසුඹ හමන්නේ
උදුන උණුසුම සැණෙන් මැවෙන්නේ
ගෙයක සුව ඈ අතිනි තැනෙන්නේ

මඳ මඳ ව කර ගැහෙන තැටි මත රොටී පිරෙන
කට්ට සම්බලය ගෙන ගලේ ඇඹරුණු සොඳින
තේ කහට උගුරක් ය සොයන්නේ
ඇය නොවෙද දෙව් ලොව ම තනන්නේ

Picture - inside.lk/food/recipe/lunu-miris-onion-sambola

No comments:

Post a Comment