Friday, June 22, 2012

පිය විප්පයෝගයන් කොතෙක් සිදු වී ඇද්ද
ඇස තෙමා ගලා ගිය කඳුළු කොතරම් ඇද්ද
ඒත් සිත නිවාලනු බැරි ව සසරෙහි අතර
මඟ බලා හිඳිමි මම නොදැන යන මඟ හසර

Tuesday, June 19, 2012


මිතුර
හැම වැහි බිඳුවක් ම
සොරා ගත්තේ
ඇගේ ශෝකයේ
පිළි රූ

අවජාතක යැයි
නම් ලද දරුවන්
ගැබේ දරාගෙන
ඈ හෙලු සුසුමන්

සැළමුතු ඈ පෙම
සුහුඹුල් පණුවන්
හැර ගිය මිණි මුතු
ඈ ලද අවමන්
දුකින් දිගටි කළ
මුව සඟවාගෙන
දිය කළ දිවි දිය
දිග හැඩ වැහි පිළි

මිතුර
හැම වැහි බිඳුවක් ම
ඇගේ ශෝකයේ
පිළි රූ

කළු පූසා



මිදුලෙ
වල් පඳුර උඩ
පිපුණු සුදු සොඳුරු මල


මම
නොදැන උන්නෙමි
නොසෙව්වෙමි
කුඩා කල
මා ඇඳ ලිහා දැමූ දෑ
සේදී
වේලී
නැවී
ආයේ කෙසේදැයි

දැන් මම ඒ
සෝදන
වේලන
නවන
මැසිම ය

ඔවුහු
නොදනිත්
නොසොයත්

සුමිතුරේ මා ගඟකි


Jean-Guy Meunier, Port-au-Persil

සුමිතුරේ

මා ගඟකි

ඉවුරු දෑලක් නැති ගඟකි

ගල ගලා ගල ගලා යන ගඟකි

ගල ගැටුම් දිය බිඳුම් හළ ගඟකි


සුමිතුරේ මා ගඟකි

Picture -
Jean-Guy Meunier, Canadian


රැය නිදි වරන තරු අතර
පුංචි ම තරුව
වී හිඳිමි

උදෑසන



ඇල්මැරුණු හීන හා
මල් කූඩයක
සැතපෙමි

අපැහැදිලි ය
හාත්පස දසුන
මල් පියලි යට
සැඟවෙමි
නිදමි

තරු ළඳුනේ කෝල

තරු ළඳුනේ කෝල
තාල තම්මැට්ටම් පුහුණු
සුන්දර ම සාදයක වයන්නද ළඟ එන

සේද වලා අතරින්
ආ ස්වර්ණ තිසරෙක්
මෝඩ කුමුදකගේ
අත ගන්න බව දැන ගෙනද

එසේ වී නම් ඉඳින්
මේ වලා එක් වී
කිම් ද මේ හැටි ම ලෝබෙන්
ස්වර්ණ තිසරා වසා ගෙන

සාදයට මත්තෙන්
එක ම එක පොඩිත්තකට
මුදු සුමුදු නෙත රිදී රේඛා
වැළඳගන්නට ඉඩ දෙන්න මට

Picture -
Vincent van Gogh (Dutch, Post-Impressionism, 1853-1890)

ප්රවීණ සූපවේදී පබිලිස් සිල්වා මහතා පුවත්පතකට ඔහුගේ අතීත අත්දැකීමක් ප්රකාශ කොට තිබුණේ මෙසේ ය.

"මං මූලින් ම වැඩ කළේ තෝසෙ කඩේක. කඩේට ආ එක් මිනිසෙක්
සල්ලි නොදී ගියා කියා එහි අයිතිකරු මට බැන්න වචන මොනතරම් රළු හා කර්කශ වුණාද කිව්වොත්, මං එතැන ම සිහි නැති වෙලා වැටුණා.මං ආයෙත් එහි ගියේ නෑ..ඒ වගේ ම ජීවිතේ කවදාවත් ම තෝසෙ,
වඩේ කෑවෙත් නෑ"-


මලක් වන් මුදු හිතැති
කුඩා දරුවෙකු වෙනුවෙන්
කඳුළු වලින් මිස
අකුරු වලින් ලියනට
මට නැත කවියක්!
පටු ගංගාවල
මියැදෙයි රන් නෙළුම්

හඬ,තර නිහඬ



මුව බැඳලු පළගැටියා

තටු ගසා ගය යි ගීතය


සේ ම හඬ
,තර නිහඬ
වින්‍යාස ගත කර යි ගැඹුර

Picture -
Natasha Milashevich, Russian, born 1967, The Lake

දිය සිදුණු
ගං පත්ලට එබී
කුඹුක් ගසක්
සොයයි සිය රුව..

නිල් පෑය
කුරු තුරුහි

තුරපත් ද

කොහිද කමතට මෑත
නිල දියේ
අම්බරු කුසුම්

වස්දඬු වැටී ඇත
ගස් උඩු පැලින

කොයි කිවි..
රෑ පුරා ඉරූ,ඳුරු..


තේ ළදළු මත
පිපී ඇත
රොබරෝසියා මල්


කළු ම කළු පාට මලක්
සුදු පාට ගවුමක් ඇඳ
කළු ම කළු මහ පාර අද්දර
පිපි පිපී හිනැහිණී

කුට්ටිඅම්මා



කුට්ටිඅම්මා

කුකවියෙක්මි මම
ලියා ගත නොහැකි
නුඹේ කවි

නැත වාග් මාලා ඔදැති
මටසිලිටි හෝ සියුමැලි

මම ලියමි
ඔබ ලැයිම මැඳුරකැයි
පැදුර සළු සයනෙකැයි


Picture - Jules Bastien-Lepage, French, 1868 - 1916, "Potato Gatherers"

සුවඳ ම මල සිදුහත්

The Yellow Flower

ගණ තුරු හිස් පීරා

බිඟු ඉඟි ද විමසා
සුවඳ ම මල සිදුහත්
සොයා ගත්තෙමි මම්

අමල එම සුමල
සුවඳ විමසන සුරකින ගෙනයන
යසෝදරා වෙමි මම් ද
කිසිදින නුඹ හැර නොයන

යසෝදරාව වන්න ම යි මං
පතන්නේ සිදුහත්...


Picture - Robert Reid, American, 1862 - 1929


වෙස්සන්තර,
මා ඇඹෙණි සෙනෙහෙ මිස
සිතා ගත නොහී මට
ඇගේ අයිතිය මට ද
ඈ ඉල්ලා එන
ඕනෑ බමුණෙක්ට දන් දෙන්ට..

නොපෙනී යා හැකි නම්
පුංචි ම පුංචි තාරුකාවක් වී
හැන්දෑ අහස අග්ගිස්සෙන්

කුවණ්ණා

-->Monochrome Image Found on the Web 

 

අකුණු සර වැද
අහස ඉරි තැලිණ
මුර ගා ඇද වැටුණු
වැහි කඳට විලිබරව
නෙලූ පල වැල දෑත ගිලිහිණ
එ සඳ මා වනයෙහිය
 

ස්වාමීනි
යමෙක් උපන...
ඒ මම ය
ගංගාව ගාව තව
කුවණ්ණා

 
බෙදා ගත් යහන
හිටිවන
කුඩා විය
විදුලි සරක් මෙන්
අප'තර පහළ විණ

 
දනිමි
එ තරම් සොඳුරු නැත
නුඹ නොදත්
මේ මටසිලිටි මල
එබැවිනි
ගංගාව ගාව මම
තව ම ඒ
කුවණ්ණා

 

Picture owner - unknown


දික්කසාද නඩුවේ දේපළ බෙදා ගන්න යන ඔබට


තැලී ගිය හිත නොවෙද
මා සතු එක ධනය
ඒත් මං
ජීවිතය යි වියදම් කළේ නුඹට