Monday, July 1, 2019

ඔබ දරා සිටියි නිහඬව

 

ඔබ දරා සිටියි නිහඬව
මා කියන කරන සියලු දේ

ඔබ කතා කරාවිදැයි මට බයයි

ඔබ කතා කළොත් ‘හෙම
භූ තලයක් මෙන් විවර වී මා
ගිනි කන්දක් මෙන් ගලා යනු ඇතැයි
මට බයයි

Picture - Susana Rios

Wednesday, May 22, 2019

මගේ හදවත පුරා කළු මල්


මගේ හදවත පුරා කළු මල්
පිළිස්සුණු මල්, දැවුණු මල්
කතා කරන්නට හිනා වෙන්නට බැරි මල්
අත්වලින් වැළඳගෙන තරයෙම
රැකගන්න නොහැකි වුණ මල්
හීන් හිනා අරගෙන හදිසියෙම
මකා දැමූ පිළිස්සූ මල්
සිහින පොදි දරා වැළපෙන
කතා කරගන්න බැරි මල්

මගේ හදවත පුරා කළු මල්

Picture - magnaflor.com

Tuesday, May 14, 2019

මගෙ හදවත සුසානයකි



ඒ තුන්සිය ගණන වැළලූ
මගෙ හදවත සුසානයකි
අල්ලා බලමි ළපටි අත්
මුදු මොළොක් බවම මිස එහි
මුස්ලිම්ද සිංහලද කියා නැති
අම්මා කියා සුළු ඇඟිල්ලෙන්
අල්ලා නොගනු මා සකි
ඔබ රැකගන්න බැරි වුණු
අම්මා කෙනෙකු වෙමි

ලේ පිපාසය මිස මවුකිරි සුවඳ නැති
සුළං පියාපත් ගෙය ඈ සොයනවා ඇති
උයන්නට සිතා උන් සහල් මෙනි
ලියන්නට සිතා උන් කවි ඇති
කිරි සිනා හඬ හිස් ගෙයි
බුබුළු දමනවා ඇති

ඒ සුසානයෙහි මම
වැළඳගෙන මම සහ මම
නිදන්නෙමි නො-නිදන්නෙමි

Picture -Portrait Of A Woman With A Baby, Fizdi Print

Thursday, December 20, 2018

වසන්ත සෘතුව වෙත



වසන්ත සෘතුව වෙත
වර්ෂයක් හිමි නැත
එහෙත් මල් මෙන් පත්ය හැම තැන
සිසිරයේ හිම මල්ය සුළඟ හා පැන යන

Picture - Ada Shulz, American, 1870 - 1928, "Iris Garden"

දුහුවිලි



ඇතැම් අය
ගෙමිදුල් අතු ගාන විට
දුහුවිලි හැරේ
ඔවුන් වෙතටම

Picture - Janice Allmon, American, Born 1950, "Climbing Vines"