Sunday, March 31, 2013

අප්‍රේල් සුළඟ

Autumn Wind - Portrait of Miss Suzanne S

අප්‍රේල් සුළඟ
තුරු අතරින් තැන තැන
මතු වෙන රක්ත මිණි කැට

pic. - Lucien Lévy Dhurmer, French, 1865 - 1953

Thursday, March 28, 2013

සර්කස් රඟන හිමි සඳ,.



අත් විසි කර කර පනින නිල් අහසටා
පිනුම් දහසකි එක සැණෙන ඇති වී යන
ඔල්වරසන් හඬින් වැසෙන විට මා කණ
මගෙ හද යි එල්ලෙන්නෙ කුඩා රෙදි හුයෙන

රඟනා විට රැඟුමන් අත් ගිලිහ යාවිදෝ
රසික ඇස හා සිනා බැමි මිදී යාවිදෝ
අහම්බෙන් මා දුටුවහොත් තිගැස්සේවිදෝ
සුනිල් කැට මිණක් මෙන් බිමට පැමිණේවිදෝ

පුළුන් පෙඳයක් වගේ නටන විට නුබ ගඟේ
නුඹේ පිට කොදු රිදෙන අරුම මගෙ හිත දනී
සොඳත්පොළසන් නදට තැලෙන හිත පිය බඳේ
නුඹ නිසා සතුටු වන කිසි ඇසක නොම ගැටේ

කුඩා නුඹ ඇඟිල්ලෙන් රැඳී සිටිනා විට දි
තැලී සීරෙනා මල් පෙති සියල් මා විඳී
ගෙදර මැදියම් රැයේ සිහින් කෙඳිරිලි වැදී
හද රිදී ඇස් දිගේ නුඹ නැටුම් බිම සිඹී

ලෙලෙන රන් කගපතක සියක් ඉරියවු ඇති ව
නුඹ රඟන විට නොතැන සහස් කහවනු පිරේ
කඳුළු ණය පමණක් ම සාක්කුවෙ ඔබා ගෙන
නුඹ ගෙදර එන තෙක් ම මා දහස් වර මැරේ


pic. from  Igor Zaripov, Actor of "Cirque du Soleil" movie
take care Igor...


කොළ පාට

Countryside

පාට පාට ලෝකයක
බලන්න කොළ පාටෙම
කොළ පාට

pic. - Jessica Zemsky, American, Born 1923

Tuesday, March 26, 2013

පොප්ලර් ගසක්

පොප්ලර් ගසක්
මෆ්ලරයක් බැඳ
සොයයි කඳු හිස
සැඟවු පෙම..
 
pic. - Russell Charters

Monday, March 25, 2013

නොහඬවන්න සීනුව

The Village Cross, Spain

නිමිත්ත - එළාර රජු නම් තම පුතුට එරෙහි ව ද යුක්තිය ඉටු කරයි.

ගවය නොහඬවන්න සීනුව
වරක් පසිඳලූ අයුරින්
නැවත නොවන්නට පුළුවන
ඇතැම් විට ඒ ඔබේ ගෙල වන්න පුළුවන
ළය පලා නැඟෙන කඳුළු නොදක්වා ම
හැරෙන්න නැවත.. ඔව්..



Pic. - John William Inchbold, English, 1830 - 1888
 

කුමක්ද ඔබ සොයන්නේ

A Man Digging on the Shore

කුමක්ද ඔබ සොයන්නේ
හුදෙකලා වෙරළ කණිමින්
සැඟ ව ගිය පා සටහනක්වත්ද?
නැතිනම්, ඔබේ හද වැළලූ තැනද?

Pic. - John William Inchbold, English, 1830 - 1888 [ඔබ මේ චිත්‍රය අඳින අතරේ මා කොතැනක ඉන්නට ඇත්ද?? තවත් වසර සියයකට දහසකට පසු මම මේ බ්ලොගය කියවයිද...?? මේ හැම දේ ම එතකොට කොච්චර වෙනස් වේවිද?? මොකක්ද මේ අමුතු බස කියා මා සිතයිද?? සිහළ අකුරු සදහට ම නැති ව කිසිවෙකු නොදන්නා බසක් වී තිබෙයිද??]

බයිකල්* විලත්





සුළඟට, ඉරට, උණුසුමට බියෙන් මෙන්
බයිකල්* විලත් අයිස් බිඳී
අළු ගවුම ඉරා දමමින්

“In March, due to a natural phenomenon, Siberia’s Lake Baikal is particularly amazing to photograph. The temperature, wind and sun cause the ice crust to crack and form beautiful turquoise blocks or ice hummocks on the lake’s surface.” Photograph by Alex El Barto

* ලෝකයේ විශාලතම හා ගැඹුරුතම මිරිදිය විල

කවුරුන්ද ඔවුන් ගෙන ගියේ

Pauvre Fauvette
මට එක හිනාවක් දෙන්න පුළුවන්ද
ආයෙමත් මා ගමේ වෙල් එළි මතට ගෙන යන්න පුළුවන්ද
ඒත් කෝ අත්තම්මා හැම විට මා පසු පස හඹා ආ
වෙලට වී මා තේ රැගෙන එන තුරු බලා උන් සීයා
මා සමඟ සෙල්ලම් කරන්නට ආ කොලු ගැටව්
කවුරුන්ද ඔවුන් ගෙන ගියේ මා මෙන් ම
නැවත කිසි දින නොපෙනෙන දුරට

[සිහිනෙන් ඔබ හැමදෙනා ම මට හමුවෙනවා... මටත් ඉක්මනට යන්ට ඕනෑ.. මට හිතෙනවා..]

pic. - Jules Bastien-Lepage, French, 1848 - 1916 [හරියට මේ චිත්‍ර ඉතුරු කර ඔවුන් ද ගොස් ඇතිවා සේ]

රුවලක්

Requiem

මහත අඳුරු අහසක
දිලෙයි සුදු පැහැ රුවලක්


pic. - Franz Kline, American, 1910 - 1962

පරණ ගීතයක්

The Old Sawmill

ඔව්, එතැන
සොල්දාදුවන් නිදන
පොපි මල් පිපෙන

පරණ කඳුළු මෝලක්
කැරකෙවන හඬ
හිත කීරි ගසමින්
ගෙනෙයි මඳ සුළඟ

පත් එකක් දෙකක්
මඳ දුර විසිර
නවතින

අළු පාට හැන්දෑවක
දිග ස්වර ඇති ව ඇදෙන
පරණ ගීතයක් එය
අලුත් විය හැකි
පරණ ගීතයක්

pic. - Emile A. Gruppé, American, 1896 - 1978

තනිකමක් දැනෙනවා මට

Red Poppies

තනිකමක් දැනෙනවා මට
නැවත නුඹට ලියන්නට හිත්වන තරමට
මගෙ පුංචි පොපි මල
පසුගිය වසන්තයෙදි මිය ගිය

pic. -Emil Nolde, German, 1867 - 1956

Sunday, March 24, 2013

යාල්පානම


Ralph Albert Blakelock, Moonlight

යාල්පානම තැනින් තැන
ඉතිරි වුණු කටු සටහන්
හද බිත්ති තැන තැන සිදුරු කළ
අකුණු ගිලිහිද කොයිබින්

හිස සලා නෙක මල් දම්
පැමිණි තිලකය කෝලම්
නල්ලූරයට යන්ට පෙර
මකා දැමු බැව් අහස
හඬ හඬා කියන්නේ කිම්

විකල් වූ හිස් ඇති ව
අහස පීරන සඳේ
මොට්ටුවෙන් ලේ පෙරේ නොදනිම්
සබය මැද සිනා මැව්
ගෙයි බිත්ති බිඳ වැටී
රිදවන්නෙ කිම්ද හද මෙතරම්

දමිල නැඟනියනි, නැන්දණිය, මයිලණුව,
මම සිංහල දුවක්
අකුරු නොදැන ම ඔබේ
ගෙයි බිත්ති කියවන්නි
පාළු බිම යළිත් මල්
පිපේදැයි විමසන්නි
හිස් සිඳුණු තල් අරණ
යළිත් පත් පුබුදන්න
අයදින්නි

Pic. - Ralph Albert Blakelock, American, 1847 - 1919


එහෙත් ළපැළ මත

Pamela Alderman, Standing in the Wind
තනි ව ඇවිදිමි රළ නඟන සුළං රළ වෙරළ
උපද්දන්නට මෙන් බොහෝ ළපැළ
රිදුම් දෙයි හද තැනින් තැන
උගුලුවා හරින්නට වෑයම් කරමි
එහෙත් ළපැළ මත මල් පැන විසිර යයි

pic . - Pamela Alderman, American

පාදම

Rudolph Ackermann,  Winchester Cathedral

උස් ගොඬනැඟිලි අතර
ඉතා කුරු මිනිසෙක්මි මම
මෙන්න පාදම
මගේ හද!!

pic. - Rudolph Ackermann, British, 1764 - 1834




Saturday, March 23, 2013

ගසා යමි

Autumn

මවයි රළ රළ
මහත් තුඟු විලාසෙන් මන ගඟ
නොමනිමි ගැඹර
ගසා යමි

pic. - Lucien Lévy Dhurmer, French, 1865 - 1953

Thursday, March 21, 2013

කුමට ළත වෙනු??

Kyoto

අකල් සුළඟට ගිලිහි 'කුරු රැස
සතොස කොතැනක යළි උපන්නද
විකල් කවියකි විස ම ගැවසුණ
නුරා සැළමුතු ගිලිහි හද නද

කුමට ළත වෙනු එවන් මුඩු බිම
දුගඳ ගවසන හුදු හඬක බැඳ
වසත් ගීතය ගයන මියුරස
අසනු රිසියෙන් වෙණ වයනු මිස


pic. - Sophie Coors, American


Sunday, March 17, 2013

වැළපෙන ළඳ

Georges Seurat, The Seine at Courbevoie

ගස ළඟ වැළපෙන ළඳ
මෙන්න! අලු පාට සුළඟ
ඩේසි දියත්තෙහි වැතිරෙන


pic. - Georges Seurat, French,1859 - 1891

Friday, March 15, 2013

කඳුළක් ගිලිහුණා මඟ තොට සොයද්දී



කවි අහුරක හැඩය කියවා නිමෙද්දී
ළෙහි රැඳි බැඳුම් වුව අතගින් ලිහෙද්දී
සසරක ගතිය ඇස අස යළි මැවෙද්දී
කඳුළක් ගිලිහුණා මඟ තොට සොයද්දී

සැරෙන් යා නොහැකි මඟ අප පියෙන් පිය
සෙමින් හෝ ගමන නිම විය යුතු ව ඇත
සැණෙන් දිය ව යා නොහෙනා කපුරු කැට
දැවි දැවී නිවුණු හැටි දුටුවාද මිත


pic. - www.picturejockey.com
 

Sunday, March 10, 2013

සෙලෙස්තිනා

Gustave Kaitz, Spiritus

සෙලෙස්තිනා නුඹ ඇවිදින් අරගෙන යන විට පාළුව
ගඟක් වුණත් මඟ නොනැවත ගලයි කියා සැක යි බෝ ම
දවස තිස්සෙ එක දිගට ම කෙඩෙත්තු වූ ඇඟිලි මැසිම
හාදුවකින් සනසන්නේ නැති ව ගඟක් ගලයි කෝම

පිලේ ඉඳන් මඟ බලනා අඟුල් මාල කෙනෙක් තියා
බුදු හිමියන් නැති වු පවෙන් හැඹිලිය අද ගඟේ ගියා
කඩ පිල පසු කරනා විට සඳක් වුවත් වලා තියා
අමාවකේ නොපෙනෙන්නට පතන හේතු නොදත් පියා

දරුවන්ගේ කඳුළු වතුර දියවුණු පත් ඉරු පේළී
කහට වතුර පොදකින් හෝ නිවන්න බැට කන දේවී
දර මඩුවේ, වෙල් බැද්දේ කෙසඟ දෙපා ඇවිදීවී
සඳට ගඟට අහසට ඇගෙ දහදිය බිඳු විසිරේවී  


pic. - Gustave Kaitz, American, 1913 - 1992

ආදර හැන්දෑව

ආදර හැන්දෑව
බූවල්ලකු මෙන් ඇදී ගිය
කොයි ගලවා තැබු පියාපත්


pic. - Hedda Sterne, American, 1910 – 2011

ගඟ මොකද රළු පරළු මුනිවත


ගඟ දිය මතට සඳ වැටි වැටී
අයදින විටදි මේ හැටි ම පෙම
හිම දිය ව යන ගණ රැයකදී
ගඟ මොකද රළු පරළු මුනිවත


pic. - Alexander Averi, Russian, Born 1952

Friday, March 8, 2013

I am a cry..



I am a cry 

Dreamed of a Asoka flower’s lie
Invisible and cannot fathom
I am a cry 
And my entire soul

I know I am not your Seetha
Though you are none of mine
But felt your smoothy rhyme
So I don't want crying
No need to make me cry
I am a cry 
Invisible and cannot fathom 

pic. - venetiaansell.wordpress.com

Thursday, March 7, 2013

හරි ම දුක්බර දවස් මේ

Jardin de Givre

අලු පාට චිත්‍රයක් හැමතැන ම
දුක පවා එක තැන ම ගල් ගැහුණ
වචනයක්වත් කතා නොකරන
තද නිසංසල රැයක
අඳුරු පෑ චිත්‍රයක
මට ම මා හමු වුණ


 pic. - Jean-Louis Courteau, Canadian, Born 1959
 

මල් වුණත් මොනතරම් අකරුණාවද??

Le Pommier

රෝස පාට මල්
මුළු ගතත් පහළ බිමත්
හිසේ සිට මුදුනටත්
වැළඳගෙන
හුස්ම ගන්නට බැරි ව උන්
කොළ පාට කොළ
ගිම්හාන කාලයේ හැර දමා ගිය
මල් වුණත් මොනතරම් අකරුණාවද??

pic. - Jean-Louis Courteau, Canadian, Born 1959

ඔබ ගිහින් තිබුණා

Quand L'hiver Enchante

ඔබ ගිහින් තිබුණා
නිම්නෙකින් විහිදෙන නිල දියක් මෙන්
මගේ හදවත් බිම තෙමාගෙන
ඔබ ගිහින් තිබුණා
ඈත අහසේ වලා රොද'තර
සැඟව ගත් පොඩි තරු ඇසක් ලෙස
පෙනෙන 'මුත් හද විල වසා ගෙන
සිඹිනු නොහෙනා බොහෝ දුරකට
ඔබ ගිහින් තිබුණා

pic. - Jean-Louis Courteau, Canadian, Born 1959


close your eyes

Cheryl Fortier - Passages

To my little white rose
close your eyes
to read my letters



pic. - Cheryl Fortier, Canadian

මොන තරං සීතලද

Mountain Heavans Hotel Bandarawela / Ella - Surroundings

බණ්ඩාරවෙල හැන්දෑවක්
තවමත් කොළ පෑ ය අහස
කඳු උදුන් ගැවසුණ
බැල්කනිය මොන තරං සීතලද
ඈතින් මුහුද තියෙන විට


pic. - Sri Lanka

තුරු පාර

Prinsevinkenpark

ඉන්ඩිපෙන්ඩන්ස් තුරු පාර
ඉහළ ගන වලාකුළු සහ
පහළ කුරු මිනිස්සු


pic. -Floris Arntzenius, Dutch,1864 - 1925 

Wednesday, March 6, 2013

නොපෙනෙද

To the Memory of the Benevolent Howard

මල් වැල් ගොතන ළඳුනි
නොපෙනෙද අර අහස් කොන
වියරු ගන සුළඟ


pic. - Salome Hensel, American, Active c. 1823

ඉන්දියාවට දිග ගමනක්

Long Trip to India

ඉන්දියාවට දිග ගමනක්
කුඩා වසු පැටවෙක් සමඟ
පාට පාට පාරවල්
අර බලන්න..

pic. - Chen Yang-chun, Taiwanese, Born 1946

සුළඟ සමඟ?

The Myths of the Paiwan Tribe

මගේ කුඩා පයින් පත
කොයිද පැන ගියේ
සුළඟ සමඟ?


pic. - Chen Yang-chun, Taiwanese, Born 1946

ඉපල් ගසක්

Snow Land

හිම මතින් ඇවිද යන
ඉපල් ගසක්
සොයයි උණුසුම් පෑ
අසෝක මලක්!


pic. - Chen Yang-chun, Taiwanese, Born 1946

ගින්දර?

A Beauty

චෙරි මල් තොල් ඇති ව
හිනා වෙන හිම මල
කොයින්ද මේ ගින්දර?


pic. - Chen Yang-chun, Taiwanese, Born 1946

පටු පාරක්


කඩ පේළි අතරින් ඇදෙන
මම පටු පාරක්
ඈත සිට කඳු වළලු
අතෙහි ලා ගන්න


pic. - Chen Yang-chun, Taiwanese, Born 1946

යෝධ මිනිසෙක්


වැහි නොතකා ම
දිය පිරුණු වලවල් පැනයන
කුරු වාහන පෙළ
මම යෝධ මිනිසෙක්


pic. - Chen Yang-chun, Taiwanese, Born 1946

නියා

වෙරළ සිප ගනු නියා
දිව එයි රළ සයුර
තෙමී ඇත සාරි පට

pic. - by Joaquin Sorolla y Bastida, Spanish,1863 - 1923

සොයයි


දණ නමා කවුළුව පනින ඉර එළිය
සොයයි ඊයේ හවස
ලා ග්‍රන්ජා* උයනෙහි
ඇවිද ගිය තොප්පිය

*A Spanish baroque garden

pic. - www.123rf.com
 

බලන් අර_ _ _

තැනිතලාව මත
මතු ව ඇත බර්ච් ගස් එක දෙක
බලන් අර අහසෙ නිල
තණ පත්හි සුදු මල් පිපෙන කල


pic. - by Oskar Bergman, Swedish,1879 - 1963

මල් නෙළන්නිය

මල් නෙළන්නිය
නොපෙනේද පත අග
රැඳි කඳුළ

pic. - by Louis Ritman

වසා දමන්න

වේගයෙන් වැටෙන වැස්ස
පහුරු ගායි හදවත
වසා දමන්න
ලන්තෑරුම


pic. -
www.gdefon.com

ජූලියේ දවසක



ජූලියේ දවසක ඔරුකඳක් මතට වී
මඟ බලයි තරුවක්
පියානෝව අසල
වැයෙයි මඟ වැරදි තත්


pic. - by Louis Ritman, American,1889 - 1963, "On the Epte"

කඳුළක්

සිසිරයේ දොරකඩ
සැඟ ව ඇත
වසන්ත පත්
හිම යට
දියවෙයි කඳුළක්


pic. -Lucien Lévy Dhurmer, French,1865 - 1953, "Winter"

වසන්ත මතක


උදෑසන තේ කෝප්පය සමඟ
මැවෙයි පසුගිය වසන්ත මතක
ලිලී උයනක නතර වුණු
වතුර පෝච්චිය
සොයයි මුදු සුමුදු අත


Pic by Theodore Butler 1861-1936  

සොඳුරු මල් වැසි


සිඳී යන ගඟ දියක වියළ යන සිහිනයක
මිලින වූ කුසුම් පෙති විලස අහසින් මිදී
මං නොරැඳි රළු බිමෙක කටු පඳුරු ලිහාගෙන
අකල්හී මුව සිඹින සොඳුරු මල් වැසි වසී

කස පහර මෙන් වැදී තුරින් තුර අග වෙළී
සියුම් කටු තුඩු ඇනී සිදුරු හද සිතුවමේ
තැනින් තැන වදන් නැති ව ම ගලන සුසුමෙහී
අලුත් වියමන් කියා කුමට උවමන් ළෙහී
සිතු කුඩා මලක වුව මල් වැස්සකට තෙමේ


pic. -mkstarr-icons.livejournal.com


Tuesday, March 5, 2013

සංතාපයේ සංධ්වනියද ගයන්නේ

සංතාපයේ සංධ්වනියද ගයන්නේ
බස් රියෙන් බස් රියට ගාටමින් ඇදෙන්නේ
වෙව්ලුවා ඇද හැලෙන ස්වරය දිග හරින්නේ
පුතෙකු හෝ දුවක යන රිය පෙළද සොයන්නේ

ළෙහි හොවා තැනු දරුන් පෙළින් පෙළ නැඟ සොඳා
දයා බැල්මක නැති ව මඟ හසර ගිය දමා
කිසි විටෙක නොදත් දරු කැලක් වෙත පය තබා
හැකිළ ගිය කුසට ඉල්විය හැකිද දරු පෙමා
නිම් තෙරක් නැති අහස දෙස බලා හිතන්නේ
ඉතින් කවි ගයන්නේ.. ඉතින් කවි ගයන්නේ

පාට කළ හැඹිලියත් අරන් එදවස මෙමා
පුතු දුවා රැගෙන දුර සිදාදියටත් ගියා
උනුන් වත සිනා ගෙනෙනා අරුම මන්තරේ
හඳුනගෙන හැඹිලියත් එදා ඔච්චම් කළා
වැල් ලිහුණු පෑ මැකුණු අතේ සිර වී මෙදා
කල් ගෙවුණු හැඹිලියත් හඬනවද මුව නොපා

pic. - www.zimbio.com


Sunday, March 3, 2013

මිය යන විට ඈ කීවේ

Ophelia, Portrait of Suzanne Reichenberg

ඈ මිය ගියා
හංස විලේ දියෙහි ගිලී
මිය යන විට ඈ කීවේ
මැන්ඩලීනයක් හඬන්නා මෙන්
ඇගේ ආලය හඬන බව වේ

සරත් සමයේ තැනක ගිලිහී
විලට වැටි පත් දරා වැළපී
සුසුම් ගිලිහෙන විටදී කැලතී
රවුම් මැවුවා විලේ රැළිතී
එවන් රවුමක නිසංසල වී
හද ගැඹර මෙන් පත්ල සිඹිමින්
අවසන් ම පද ගැහුණු ස්වරයෙන්
මේපල් පෑ කහ දෑස කීවේ
ඇගේ ආලය හඬන බව වේ

වලා විල දිය රැඳෙන පරිදී
ගලා යන දිය නොරැඳෙනා බව
වහා තේරුම් ගත්තු විලසින්
වතාවේ අවසන් ම ඇය කීවේ
ඇගේ ආලය රිදුණු බව වේ
තව ම පණ නල ගැසෙන බව වේ

pic. -Lucien Lévy Dhurmer, French, 1865 - 1953, 

"Ophelia, Portrait of Suzanne Reichenberg

ඉනික්බිති තුෂ්ණිම්භූත

Forest in Autumn
සරත් සමයේ ගන වනාන්තරය
අතර පාවෙන මහා කළු සුළඟ
නැඟෙන මියැදෙන සර සර

ඉනික්බිති තුෂ්ණිම්භූත
මහත් සුදු සිසිරය

pic. -Lucien Lévy Dhurmer -French
1865 - 1953
"Forest in Autumn"

නිවාලන්න මගෙ ඇසේ කඳුළ

 

සරත් සමයේ සුළඟ
පැමිණ වැළඳගන්න මා
නිවාලන්න මගෙ ඇසේ කඳුළ


wallpaperscraft.com

Bitter Chocolate and Golden Ring!!

  • කඳු 

    Snow won't bloom in winter again
    to unripe a forbidden dream
    seeing, what’s the last stop
    of every stream
    in the losing ways to sea

    Are not you hearing the voice of Dead Sea?
    Dead Sea's still moaning
    Waiting the drops of love
    Will silenced waves bring an answer roaring
    of thousand words of unsaid things
    thousand colours of unseen things
    before withering concealed warmth
    Then What my sorrowful heart wishes…
    as a mellow love?


  • Manel K R Fernando  yes,
    those waves, unable to scream
    always whisper you a story
    always paint a picture with vivid colours
    and make you wonder....!

  • කඳු   

    Then,
    My beloved..,

    It will be the divine painting of love

    The love of solitude

    The love which is attached as well detached

    Whisper all your colourful letters

    I will listen the impossible

    and I need to die in a gorgeous way

    My beloved...!!

  • Manel K R Fernando
    Oh! my darling!
    Love as such...!
    I am blessed with
    thank you, thank you
    thank you much!

  • කඳු   Don't..
    Don't be thankful.. to eternal love
    It brings a magical bliss of life
    Without any praise
    Come to the foot of tree
    Wandering calmed breeze
    and hug me, my beloved...!!


  • Manel K R Fernando Well
    I'll close my eyes
    following my etenal bliss
    to a place
    where nobody can see
    where nobody can hear
    feeling the tranquility
    as light as a feather
    I will float
    towards thee...!

  • කඳු   ha..
    Come my eagle wing
    Embracing the secret smell
    With a bitter chocolate
    and a golden ring..!!!

  • Manel K R Fernando ohhh.... why?
    why did you break my meditation?
    reminding me of those things
    bitter chocolates
    and golden rings...
    ...

  • කඳු  hm..
    Shall we make an arbitration?
    I missed your code of postal chain
    eating chocolates, sweets alone
    You can keep that golden ring...

  • Manel K R Fernando OK...OK...
    chocolate for you
    ring for me..
    yeaahayy!