මිය යන විට ඈ කීවේ

ඈ මිය ගියා
හංස විලේ දියෙහි ගිලී
මිය යන විට ඈ කීවේ
මැන්ඩලීනයක් හඬන්නා මෙන්
ඇගේ ආලය හඬන බව වේ

සරත් සමයේ තැනක ගිලිහී
විලට වැටි පත් දරා වැළපී
සුසුම් ගිලිහෙන විටදී කැලතී
රවුම් මැවුවා විලේ රැළිතී
එවන් රවුමක නිසංසල වී
හද ගැඹර මෙන් පත්ල සිඹිමින්
අවසන් ම පද ගැහුණු ස්වරයෙන්
මේපල් පෑ කහ දෑස කීවේ
ඇගේ ආලය හඬන බව වේ

වලා විල දිය රැඳෙන පරිදී
ගලා යන දිය නොරැඳෙනා බව
වහා තේරුම් ගත්තු විලසින්
වතාවේ අවසන් ම ඇය කීවේ
ඇගේ ආලය රිදුණු බව වේ
තව ම පණ නල ගැසෙන බව වේ

pic. -Lucien Lévy Dhurmer, French, 1865 - 1953, 
"Ophelia, Portrait of Suzanne Reichenberg