Thursday, March 28, 2013

සර්කස් රඟන හිමි සඳ,.



අත් විසි කර කර පනින නිල් අහසටා
පිනුම් දහසකි එක සැණෙන ඇති වී යන
ඔල්වරසන් හඬින් වැසෙන විට මා කණ
මගෙ හද යි එල්ලෙන්නෙ කුඩා රෙදි හුයෙන

රඟනා විට රැඟුමන් අත් ගිලිහ යාවිදෝ
රසික ඇස හා සිනා බැමි මිදී යාවිදෝ
අහම්බෙන් මා දුටුවහොත් තිගැස්සේවිදෝ
සුනිල් කැට මිණක් මෙන් බිමට පැමිණේවිදෝ

පුළුන් පෙඳයක් වගේ නටන විට නුබ ගඟේ
නුඹේ පිට කොදු රිදෙන අරුම මගෙ හිත දනී
සොඳත්පොළසන් නදට තැලෙන හිත පිය බඳේ
නුඹ නිසා සතුටු වන කිසි ඇසක නොම ගැටේ

කුඩා නුඹ ඇඟිල්ලෙන් රැඳී සිටිනා විට දි
තැලී සීරෙනා මල් පෙති සියල් මා විඳී
ගෙදර මැදියම් රැයේ සිහින් කෙඳිරිලි වැදී
හද රිදී ඇස් දිගේ නුඹ නැටුම් බිම සිඹී

ලෙලෙන රන් කගපතක සියක් ඉරියවු ඇති ව
නුඹ රඟන විට නොතැන සහස් කහවනු පිරේ
කඳුළු ණය පමණක් ම සාක්කුවෙ ඔබා ගෙන
නුඹ ගෙදර එන තෙක් ම මා දහස් වර මැරේ


pic. from  Igor Zaripov, Actor of "Cirque du Soleil" movie
take care Igor...


No comments:

Post a Comment