Covid 19: India's holiest river, the Ganges, has been swollen with bodies in recent days.
භාරත මාතා හැර යන දරුවන්
දරා ගනී ගංගා
ගංගා ගංගාවේ වැළපෙනවද
සරැළි තරංගා
සුරසැප වෙනුවට දුකඳුර හිමිවුණ
පිටකොඳු වකවුණ රළු'ඟිලි රිදවුණ
පොඩි මිනිසුන් හට සිහින දකින්නට
අහසක් නැති හින්දා
දිය මත රන්දා අරගෙන යනවද
මහ මුහුදට කැන්දා
අහසට ඉනිමං බඳින මිනිස්සුන්
සුව ඇකයේ රන්දා
භාරත මාතා පොළොවට වැඩිවුණෙ
පොඩි අයමද මන්දා
