Wednesday, November 27, 2013
සංගීතය මට ඇසුණා
සංගීතය මට ඇසුණා
සුළඟ තුරක වදිනා
තුරෙහි සුපිනි සැලෙනා
හාවෙක් කන් ගසනා
ගෝන පයක් තුරු වදුලෙන්
නොගැඹුරු දිය පනිනා
පැටි ලේනෙක් ඒ දැක සිය
සීනු නාදෙ නඟනා
ගිරි ඉස පැන සඳ ඇවිදින්
තුරුන් සුසර කරනා
මුකුළු පපා තරු පේළී
කිකිණි සිනා සලනා
ඕලු මලක සුකොමල නා
නී දිය මත ඇඳෙනා
කට කොළ පෑ තඩි මැඩියෙක්
මලට විහිළු කරනා
සංගීතය මට ඇසුණා
ම'හද වෙණෙහි නටනා
මන්මත් කර මනස් විලේ
සිය සියපත් මවනා
Picture - ilikewallpaper.net
Labels:
ළමා කඳු
Subscribe to:
Post Comments (Atom)
කවිය කියවද්දී පිනි කැටයක් හිතට වැටුනා .
ReplyDeleteහාවෙක්!?
Deleteහෙහ් .හෙ.. 'හිසට' නෙවෙයි 'හිතට' වැටුනේ පිනි කැට
Delete