Thursday, June 26, 2014

මගෙ හිත කවියක්



මගෙ හිත කවියක්
මං කවියෙක් නෙවෙයි තමයි
මගෙ හිත කවියක්
ඔහේ ආදරේ කරන්න
කටු සටහන් ලියාගන්න
හිතම කවි පොතක්
කොළෙන් කොළේ විසිරී යන
මගෙ හිතම පොතක්

සියක් කතරවල් පසු කර ඇවිදින අතරෙත්
සුළං මෝසමෙන් බැට කන, වැළපෙන අතරෙත්
සොරුන් සමඟ හිඳගෙන වස වලඳන අතරෙත්
ඔවුන්ට නොදැනෙන නොපෙනන මගෙ හිත කවියක්

මලින් මලේ බඹරුන් රොන් සඟවන අතරෙත්
නමින් නමට ඉසි බැඳ නන් වනසන අතරෙත්
නඟින්නට තිබෙන ඉනිමං වළකන අතරෙත්
ඔවුන්ට නොදැනෙන නොපෙනන මගෙ හිත කවියක්

Picture - James Browne

2 comments: