කුරුල්ලනි මම වැළපෙන්නියක්
උණුසුම් බර අත්තටු නොම දත්
සිහින පිරුණු ආකාසෙ දුරයි
දෙපයින් ඇවිදින්නට බැරි වෙයි
කවුරුන්ද මා අත්තටු සොරාගෙන ගියේ
ඔබමැයි
මගේ අත්තටු අලවාගෙන බඳ
ඉහළ නැඟි ඔබමැයි
ඔබ ආකාසෙ සරයි
බිමට වැටි මම පැරදුණේ දැයි
මමත් නොදනියි
මා හද සිදුරු කර දිනන්නට ඔබට හැකි
පුදුමයි
සගය මා මිය ගියොත් ඔබ නිසාමැයි
මගේ තැන ගෙන මගෙ පාට අහසට විසුළ
ඔබ නිසාමැයි
ඔබ දිනූ බව නොදනියි
දුකින් පැළවෙන එකම කවියක
රිදුම පමණක් දැනෙයි
ලෝකයේ හැටි ඔහොමයි
මා මියගියොත් ඔබ නිසාමැයි
Picture - Nico-Vrielink
No comments:
Post a Comment