රෝහල් මැඳුරු කවුළුවකින්

කණ කටුක වදන් සපිරුණ
රෝහල් මැඳුරු කවුළුවකින් බැලු විට
බැස යන හිරු අකාසය මත ඇතිරූ
සාදලිංගම් රතු පැහැය දිටිමි

"විජ්ජාවක් කරන්න යනවද බට එක්ක.."
නොදැනුවත් ව ම ලිහිල් වූ ලේ බැහැර යන බටයකට
නර්ස් නෝනා කෙනෙක් මොර දෙයි
උස් හඬට දියාරු ව වාට්ටුව සිහින් ඉකියක් වෙයි
එවන් තැන්වලටත් උස් කඳු මුදුන සිට
පෑළදිග ඉරු හිනැහෙයි

ඉර ස්තූතියි ඔබට
මිනිසෙකුට ගෙන ආ නොහැකි සතුට අරගෙන
ඈතින් අත වනනවට

Picture - Fog in the evening, Herastrau Park, Bucharest, Romania Herastrau Park, Bucharest by Cristian Vasile