ගොවි පුතු පෙම

සමර විජේසිංහ :

ගොවියාගෙ පුතු නුඹ
යොදා‍ගෙන නුසුදුසු වචන
ආදරය පවසන

කෙසේ ඇතුළු වූයේද
තක්සලාවට මෙම

මෙතැන වෙයි තැන
රජවරුන් සිටුවරුන්
කුමරියන් කුමරුවන්
ගුරු පඬුරු ගෙවාගෙන
ශිල්පයන් හදාරන
පෙර දවස කළ පරිදිම

කඳු :

සීසාමි මම පෙම්වතිය
පස තනමි
ඉසිමි බිජුවට එකින් එක
ඔබට හද ඇති ආදරය ලියලන
දිය සීරා ගෙන එමි
පිබිද සිටිනා කඳු මුදුන් මතින්
රැය නිදි වරා රැක ගමි
ආදරය කවි කරන් රෑ කළුව පුබුදමි

නඟුල ඔබ වෙත අස්වැන්න ගෙන එන
දෑකැති ඔබ හිත රිදවන වදන් පලවන
ගඟුල මත ආදරය රැව් දෙන
අසල ගස කුඹුක් දළු හිනැහෙන

වන මැදැති මිණි කන්‍යාවන්
අතර වන පුෂ්පයක් මෙන් ඔබ තබා
කන්‍යාමය දෑතකින් ආදරෙන්
ඔබේ මුදු කෙහෙරැල් සිඹිමි

ඔබේ මුදු අතැඟිලි ගෙන
එ'මත මගෙ හිත තබමි

Picture - Elena Dudina, Russian-Spanish