කහඹිලියා කොළ කෑමේ තරගය

මාර්ෂ්වුඩ්, ඩෝසෙට් හි බොට්ල් ඉන් අවන්හලට මිනිසුන් 1500ක් විතර රැස් වුණේ වාර්ෂික කහඹිලියා කොළ කෑමේ ලෝක සූරතාවේ 2010 වසරේ වාරයේ තරගකරුවන් 61 දෙනා තරග වදින හැටි දැක  බලාගන්නයි. මේ විස්මයාකාර තරගයේ ඉතිහාසය ප්‍රාදේශීය ගොවියන් විසින් දිග ම කහඹිලියා නාරටිය වැවිය හැක්කේ කාටදැයි බලා ගන්නට ‘දිග ම බූවැති කහඹිලියා’ තරගය ආරම්භ කළ 1980හි මැද භාගය  දක්වා  දිව යන්නක් විය හැකි යි..

1989 දී ඇලෙක්ස් විලියම්ස් අඩි 15යි අඟල් 6ක් දිග කහඹිලියා නාරටිය ඉදිරිපත් කරන තුරු මෙය හොඳින් සිදු කෙරුණා. ඔහු කිව්වා, කාට හරි පුළුවන් නම් ඔහුගේ කහඹිලියා නාරටියට වඩා දිගු නාරටියක් සොයා දෙන්න, ඔහු තරගය දිනාවි කියලා.. වාසනාවට වගේ එක් අමරිකානුවෙක් අඩි 16ක් දිග කහඹිලියා නාරටියක් සොය ගත්තා. ඉතින්, විලියම් මහත්තයත් වචනය වෙනස් කළේ නෑ.

 

එතැන් පටන්, තරගය ‘කහඹිලියා කොළ කෑමේ ලෝක සූරතාව’ ලෙස අප දැන් දන්න කහඹිලියා කොළ කෑමේ තරගකාරී අභියෝගය බවට පරිණාමය වුණා.

 

ජූනි 19 වැනි දා කොළ කඩාගෙන කෑමට තරගකරුවන් හැම කෙනාට ම අඩි දෙකක් දිග බූවැති කහඹිලියා දඬු ලැබුණා. පැයක කෑම වෙලාවෙන් පසු, හිස් වූ දඬු මැනීමෙන්, වැඩි ම කහඹිලියා ප්‍රමාණයක් අනුභව කළ තරගකරුවන් ජයග්‍රාහකයන් වශයෙන් නම් කළා.

පිරිමි අයගේ තරගයට පළමු වරට සහභාගි වූ සෑම් කනින්හැම් පොඩි කරන ලද බූවැති කහඹිලියා අඩි 74ක් අනුභව කොට ‘2010 කහඹිලියා කොළ කෑමේ ලෝක සූරතාවේ රජා’ යන නාමයට හිමිකම් ලැබුවා. ගැහැනු තරගයේදී, ලෝරා රෙවෙල් කහඹිලියා අඩි 40ක් අනුභව කරමින් ‘තරග සූරයා’ නාමය දිනාගත්තා.

ෂසිකා අමාලි මුණසිංහ
Photos by REUTERS/Chris Helgren