Tuesday, January 22, 2013

අල්ලාහ්ගේ ආලයේ දේශයට..

http://www.hdwallpapersarena.com/wp-content/uploads/2012/10/Flower-Meadow.jpg
අමීර් අල් එරාවුල්
කොහේදෝ සිටිනා රුව නොදන්නා මිනිසා
අල්ලාහ්ට ආලය කරන්නා
සමනල වැසි වස්සවන්නා
දලඹුවන් ඇති දැඩි කරන්නා
ඉර එළියෙන් දළරළ කපා ගෙන ඇවිදින්නා

කළු කණ්ණාඩියෙන් මිදී යන්නා
මලක් මෙන් යළි මවු තුරුල්ලෙන් අවදිවන්නා
තමා ලත් දේ මල් සුවඳ මෙන් මුදාලන්නා
බලුන් බැඳ ලූ මහල් නිවසට ඇස් දෙකින් මුදු සිනාසෙන්නා
මෝසමක් මෙන් කතර කලඹා පතිතවන්නා

ඒ ඔහුද ගෙන ගියේ
චණ්ඩ මාරුතයට මුදා හල දඩ බල්ලන්
අනුභව කළේද උහු හදවත
කවියක් මෙන් එය මිහිරි වුණිද
සෙහු මා තව ම මඟ
නුඹට අස්සලාම් අලෙයිකුම් කියන්ට
උහු නුඹ රැගෙන ගිය තැනින් පැමිණෙන්ට
අපි ඇවිද යමු අල්ලාහ්ගේ ආලයේ දේශයට
නුඹ මැවූ දේශයට

pic. - hdwallpapersarena.com

No comments:

Post a Comment

Note: Only a member of this blog may post a comment.