Monday, March 31, 2014

සොහොන් ගැබ්



මරණින් මතු සොහොන් කොතකුදු
හිමි නොවේ යැයි සැක මිනිසුන්
වෙන් කර ගනිත් තම සොහොන් ගැබ්

මරණින් පසු
විසිකරමු අපි අපේ හුස්ම
ඈත ආකාසය වෙතට

කිසිවෙකුත් පය නොගසන
කන්‍යාමය බිමක වැළලෙමු
එසේත් නැත්නම් කොහේ හෝ තැනක පස් වෙමු
බර සුසුමන් හෙළන කුඩා මිනිසුන්ගේ පයට
පියවිල්ලක් වනු පිණිස
ඔවුන් පා බැඳි වෙහෙස උරා ගනු පිණිස දිරා යමු

ජීවත් ව සිටින කල
කුඩා කුඩා සත් බලාපොරොත්තු
සිටුවන්නට බිම් නොලද මිනිසුනට
අවැසිද සොහොන් කොත්

අපි පා කර හරිමු අපේ හුස්ම
ඈත ආකාසය වෙතට
දුටුවද ඔබ තාරුකා මල්
රාත්‍රී වන පස මලට ඉහළින් දිලෙන

Picture - Anne Marie Zylberman

4 comments:

  1. එහි රසවත්භාවය වින්දෙමි මම දකිමින් එහි ඇති හරවත්භාවය

    ReplyDelete
  2. මේ බ්ලොග් එක විස්තර කරන්න තේරෙන්නේ නෑ මට,මගේ ජිව්තේ මං කියවපු ලස්සනම බ්ලොග් එක මේක..... බුදු සරණයි !!!! ඔබට !!!!!

    ReplyDelete
    Replies
    1. ස්තූතියි දෙනෙත්!!

      Delete