Wednesday, May 27, 2015

සමනලයෙකුගෙ ප්‍රේමය



සුරංගනා පාට මාරු කර සරුංගලයක් වගේ දිස්වුණ
මහ වියපත් ගැහැනියක් වගෙයි දේදුන්නක් විසි කළේ අහසට
වළං පිඟන්වල දඩි බිඩි සද්දෙට ගැස්සි ගැස්සී භ්‍රාන්තව
ගබ්සා වුණාවත්ද සමනලයෙකුගෙ ප්‍රේමය

නිළි වැසි වුණත් නවත්තන්නේ නැතුව වහින කොට
ගං ඉවුර ගසා ගොස් ඇත දන්නෙම නැතිව ඈතට
ගසක් නැත මලක් නැත නිදිකුම්බියක් නැත ඉවුරත
හුස්ම අල්ලන්න හෝ ගාන හඬ පමණි ඇහෙනවද අනෙකක් 'හෙම

ගිරා ජෝඩු විතරද කුරුලු පිහාටුත් ගියේ හරියට බැණ ගෙන
බකස් ගාලා විල පනින ගෙම්බෙක් වගේ හිනාවීගෙන
සමනලයයි රෝස මලයි අතැර ගිය ගෙදරකුයි ගැන වැයෙන කොට
තැටියෙන් නැඟෙන්නේ තනුද, වෙඩි වදින උණ්ඩද?

Picture - Dame Laura Knight, British Artist

2 comments:

  1. කඳූ අක්කේ, අර "අක්කපාන පතක මුල් මෙන්" ලියලන ප්‍රේමය ගැන කවියත් දාන්නකෝ....

    ReplyDelete
    Replies
    1. ඒක පරණ කවියක් බස්සි!
      http://amaleymunasinghe.blogspot.com/2014/03/blog-post_1396.html

      Delete