ගොවිපළ වසන්තය

ගොවිපළට ඇවිදින් වසන්තය
ගෝවා කොළ අතර සිට සිනාවෙන
බෝංචි වැල් සිනා තාලෙට නැළවෙන
කැරට් මුහුණක් උඩට එන්නට සිහින දකිමින

මේ වසන්තය
ගොවිපළට ආ වසන්තය

ගිගිරි හඬ නංවමින්
බිම් වටා ඇළ දොළ
වතුර ගෙන යන හනිකට

ලූණු මල් හිනැහෙයි
බැලේ නැටුමක් නටමින්
සැලේ අතිසිහින් ඉඟ
ලාලලා කියමින්

ආහ්ලාදජනක ගසකොළ
අදිසි හාදුවක් තියමින්
බීට් හදවතක් රතු කර
පැන යයි ගීතයක් ගයමින්

Location the Eden Project - Cornwall - England
Picture courtesy - Green Renaissance