ඈත පිටිසර ගමක
වන අරණක කොණක
වෙසක් සඳ එල්ලෙයි
ගෙයි පිලෙහි වාඩිගත්
පන්සල් නොගිය අම්මා
කළුවර සැලෙන කළුවර
අතු පතර දෙස බලා හිඳී
ළඟපාත ගෙයක් නැති
විසල් වත්තට එපිටින්
වෙසක්වත් නොබලාම
බල්ලෙක් උඩු බුරලයි
කැලතෙන සවු කොළ අතර
කුඩා උන් දිවගිය මිදුල
දිරාගිය කූඩුවක්වත්
නැතිව වැළපෙයි
උඩුබුරන සුළඟ හා එක වරම
චරස් ගා ගසක අත්තක් ඉකිලයි
වෙසක් වග නොතකාම
සඳත් කළු වලාවට වියැකෙයි
Picture - Camille Pissarro
No comments:
Post a Comment