ඇවිදගෙන යන පෙළ පොතක් වගේ මම
හුස්ම ගන්නත් බිය වෙන
කතා කරන්නෙත් නෑ කිසිවෙකුත් එක්ක
පාඩම් කළ අකුරු ඉවත යා යැයි හැඟුමෙන
අහෝ කවර පාපයක්ද මෙය
පෙළ පොත් කෙළ කෝටියක්
මොළයෙහි සිර කොට තැබීම
කොහොමද ආචාර්යවරයෙක් වෙන්නෙ
එහෙමත් කරන්න බැරි කොට
දැනුම මනින්නේ විභාගයෙන් නම්
පුස්තකාලයක් විය යුතුය මගෙ හිස
අත්වලත් පොත් මිටියක්
උරෙත් පොත් මිටියක්
ගෙලේ පවා එල්ලී ඇත්තේ
පොත් මිස නොවේ වෙන කිසිවක්
බොහෝ හොඳ දේවල් මෙලොවට පහළ කළා වූ පොත්
බොහෝ හොඳ අය බොහෝ හොඳ දේවල් කියූ පොත්
එහෙත් හැමදේ සිහි තබා ගන්න වෙත්ද කිසිවෙක් සමත්
කපුටු කූඩුවක් වගේ වියවුල්ව
ඇවිද යන විට ඉවතට
සමාධියෙන් පිරී මෙත් පා
සිනා වේ මට බුදු රුවක්
"ලෞකික ජීවිතයට බැඳෙන හැටි ඔබ තවත්"
Picture - Dan McCaw, American, born 1942
No comments:
Post a Comment