Friday, June 28, 2013

නොපැමිණෙමි මම ඔබ දෙවොලට . .

Reflected Light

තලන විට හැඩි දැඩි කසවලින්
වඩ වඩා නොතකමි
සුවඳ පැනින් නහවමින්
වැඳ නොවැටෙමි
බැගෑපත් නොවෙමි
නොපැමිණෙමි මම
ඔබේ දෙවොලට

ළඟ දණින් වට
මහත් දන නොතකා
දෙවියන් වුව සලකාද
දනිමි හැම විට මම
ඔබ එසේ නොකරන බව
යහපත් දෙවියෙකු නම්
නොසිඹිනු මන්ද
හද පිපි කුසුම්?

නොනැඟිටිමි අස්නෙන් මම
දෙවොල් විහාර බෝ මළු අසල
හඬා නොවැටෙමි මම
මහත් ප්‍රතිමාවන් හද මළුව මත
නිතොර නැඟී සිටිනා බැවින්
කවුළුවලින් හිස් යොමා
නොපතමි කිසිදු පැතුමක්

එ නයින් ම සබඳ
මා පැතුම් ඉටු ව නැත
බොහෝ දුදනන් දිනනු දැක දැක
පෑදි දිය මෙන් බලා ඉමි මම
මල් උගුලුවා ගසින්
නොකරමි යාදින්න
නොපැමිණෙමි මම
ඔබ දෙවොලට

ඔබ ඔ'වැනි නම් ඉතින්
කුමට පැමිණෙම්ද මම
උදේ හවස තෙහෙට්ටු ව
ජනී ජනයා අතර තෙරප
ජීවිතය ගැට ගහමින්
මුළු මඟ ඇවිද යමි මම
ඔබ ව මට නොතරම් ය
දෙවිගඟ.

Pic. - Louis Ritman, American, 1889 - 1963

No comments:

Post a Comment

Note: Only a member of this blog may post a comment.