Monday, May 12, 2014

රෝස පැහැති රෝස පොකුරු



රෝස පැහැති රෝස පොකුරු කොපුල තබා ඉඩ
කලින් කලට වැසි වසිනා වසන්තයේ හැඩ
නාඳුනනා සුවඳ කොහිද අසන අසන විට
අහසක් සිටියා රකිමින් සිය හද මුනිවත

ළමල කලක ළපටි හදක සිහින සොරා සැඩ
සුළඟ සුණු විසුණු කරතෙයි සුවඳ විඩින් විඩ
අහසක් බිණුවත් හඬමින් පෙන්නා වැහි පොද
කතරක් නොදුටුව ළමලක් තටු ගිලිහීවිද?

Picture - Boris Prokazov

2 comments:

  1. උදෙන්ම නිර්මාණය රසවිඳ සිත් පහන් කරගතිමි. ස්තූතියි ඔබට..

    ReplyDelete