ආකාස පිළිබිඹුව

ගිම්හානය
ආකාස පිළිබිඹුව දිය මත
මෙන්න කුඩා ඔරුවක්
වලාකුළු මත පාවෙන

pic. - Gunnar Berndtson, Finnish, 1854 - 1895

දේදුන්න

තුහින සළුවක වෙළී
කවි ලියයි
දේදුන්න!

pic. - M Cristina Baracchi, Italian 

සමාගම* දවන විට ඇති තරම් මගෙ ලෙය

දැවී යන්නට බැරිය ඔබේ ඇස තුළ මට
සමාගම* දවන විට ඇති තරම් මගෙ ලෙය
ගීතයක් වෙලා කඳු සිසාරා වන දහන
ගැයෙන්නට බැරිය මට
අසිපතක් වෙලා උන් සිඳින සඳ තුරු කඳ

ඇතැම් විට
දුර ඈත පෙදෙසක
කිසි දාක දැක නොමැති
ඕක් තුරු අතර ඇඳී ඇතිද ජීවිතය!!

වැටෙන්නට ඔන්න මෙන්න ව නියමිත
සුසුමක් ව අහසට විසිරෙන
නිල ගිලිහි කාලයකි මෙහි
කතරක කඳුළු ගුලි වුණ

බලාපොරොත්තු ගුලි වෙන
වැහි වලාවක් වුව නොමැති නුබ ගැබ
ජීවිතය ම සිහිනයකි
ඉරි තලා විසි වුණ

අණක් ඕනෑ නම්
වැහි වලාවකට එන්නට
සෙමින් මිය යමි මම
සොහොන් කොත 'ලංකාර වන්නට

ජීවිතය නම් කොහොමත් ම පහසු නැත
දිගට හරහට කැපෙන විට කඳ සමඟ ගස
'පල නොදැරූ ගසකැයි'
නැතැක් අය ලියන්නට ඉඩ ඇත

Pic. - Karol Bak, Polish, born 1961 

කොයිද සිරි සිරි පොද වැස්ස?

තනිකම මෙතරම් ම දැනී නැත
බලාපොරොත්තු මෙතරම් ම සිඳී නැත
බිම විසිරි මලක් හෝ නොමැති තැන
කොයිද සිරි සිරි පොද වැස්ස

Pic. - Louise Abbema, French, 1858 - 1927

"මහ රහතුන් වැඩි මඟ ඔස්සේ" ලිපි පෙළෙහි දිගු

http://www.mediafire.com/file/66sbiutclw9lpdi/Maharahathun_wedi_maga_osse-1.pdf.pdf

http://www.mediafire.com/file/3py4xmbimxr23ao/Maharahathun_wedi_maga_osse-2.pdf.pdf

http://www.mediafire.com/file/vv9fuh26m4bglox/Maharahathun_wedi_maga_osse-3.pdf.pdf

http://www.mediafire.com/file/tz6xtdrieyk4adr/Maharahathun_wedi_maga_osse-4.pdf

http://www.mediafire.com/file/gblh5ad17flrdj7/Maharahathun_wedi_maga_osse-5.pd‍f.pdf

කුරා කුහුඹුවෝ අප

කාලයේ වෙරළ මත
සිතිවිලි වාසුළි සමඟ තැවෙමින
ගමන් ගන්නා නැතක් දුර
කුරා කුහුඹුවෝ අප
වෙහෙස වී තැනින් තැන නවතින
නික්ම යන යළි එන
අයාලේ ඇවිදින
සුළඟ හා නවතින
කිසිවෙකුට නොපෙනෙන
සුළියක් ව කැරකෙන


pic. - Floris Arntzeniu, Dutch, 1864 - 1925 

ඔබ

බිම් ගෙයක්  ඔබ
කුඩා එළි තිත් සහිත

pic. - Tunnel of Love, Ukraine by Vitalii Sak

 

 

විලාසිනියේ විලාසිනියේ

ගයන්නේ ඔබ කොහේ ඉඳලද
විලාසිනියේ විලාසිනියේ
කිම්ද ඔබගේ හඬ සැලෙන්නේ
බිඳ දැමූ මුදු මුහුදු රළ සේ
සියල් මෘගයන් එක් ව වට වී
පහරනා විට මලක පෙති සේ
සිය දහස් වර මිදුණු හඬදෝ
සසැලි සසැලී පාව එන්නේ
බිඳී වැළපෙන අසනි සැර වී
නොනැවතී නුබ මතු ව එන්නේ
.
තරු වපුළ රාත්‍රිය යටින්
හඬක් හෝ දැනේදැයි බියෙන්
පලා යන විට ඈතකට
තලා දැමුවෙද රාත්‍රිය
වලාවක් හෝ ඇදී එන්නට
සඟව ගන්නට වණ ගත
පමා වූවෙද පමා වූවෙද
විලාසිනියේ විලාසිනියේ

ගයන්නේ ඔබ කොහේ ඉඳලද
විලාසිනියේ විලාසිනියේ
කිම්ද ඔබගේ හඬ සැලෙන්නේ
මරණයක් සේ මතු ව එන්නේ
මිනිස් ලොවකින් නොමිනිසුන් වෙත
විලාසිනියේ විලාසිනියේ

නිමිත්ත - http://romatearne.blogspot.com/2013/03/ranis-story.html

Pic. - John Nash, British, 1893 - 1977

නොඅසන්න මගෙන් මා ජීවත්වූයේ දෙව්ලොවද කියා...

මොනතරං සුන්දරද මීදුම
කඳු සිපන් ඇදෙන කොට
අන්න අර අහසෙ මුල
රිවි පබාවන් තැවෙන
මන්ද සීතල මෙහෙම
සිහිල් දිය බිඳු ගලන
කන්ද වුව මොනතරං
කවියක්ද මට හිතෙන

ක්‍රීඩා උත්සව දවසේ

ක්‍රීඩා උත්සව දවසේ ගේට්ටුවට උඩින් උඩින් අයිස් පලම්මයි පෙණුනේ
හවස හයට අස්ව කුරෙන් හැතපුම් ගානක් යන කොට
කැඩී බිඳුණු පාලම් ටික හිනා වුණා හරි හරියට
යෝධ යකඩ ඇස් ඇරගෙන

පත්තර කන්තෝරුවෙ වැඩ කරනා ලොකු මාම කෙනෙක්
තුවක්කුවක් වගේ එකක් දික් කරාන ආ දවසේ
ඔය අද්දර පඳුරු කොණේ හැංගුණු මගෙ පුංචි යාළු
දැකල අහල ගඟ හරි හරි හරියට හිනා වුණේ හහ් හා..

ඩෙල්ටා ටොපි කොළ තරගෙට ටොපි කන්නට සල්ලි නැතුව
ඉස්කෝලේ ළඟ ඉඳලා ගෙදරට යනකං ටොපි කොළ
බෑග් එකේ හංගගත්ත තරගය නුඹලට මතකද
ඒත් ඉතින් කවදාවත් අපි තරගය දිනුවෙ නැද්ද
දිනන තරග කවදාවත් ඒ වගෙ හමු වුණේ නැද්ද?

ඉන් පෙර සෙයිලමෙන් යළි නුඹ ගම එන්ටයි

අරුමැති වලා වන මුහුලස පීරන්ටයි

රිවි රැස විසිරි මිණි වී හිස පූදින්ටයි

සර සර රැළි අතර සිහිනය මියයන්ටයි

ඉන් පෙර සෙයිලමෙන් යළි නුඹ ගම එන්ටයි

pic. - Camille Pissarro, French, c.1830 - 1903

අගේ කියා කෙලෙසක ලියමිද සොයුරී??

නුඹ අලංකාර කවියක් ලියා ඇත. ඔබ එය ලියූවේ මහත් වේදනාවෙන් බව මම දනිමි. බොහෝ දෙන 'අගේ ඉමිහිරි' කවක් යැයි එය විචාරා ඇත.