ඒ තනිකමෙහි මා වෙළිලා
මලේ සකුරා
එදා සවනට ඇසුණු මුණු මුණු මිතුරු
එකක්වත් නැත!
වැළඳ අප හිනැහුණු අයුරු
මිරිඟුවක්වත් නැත!
සුබපැතුම් ආ හසුන්
පනම් බිල් විතරක්ද
දුරකතන හඬ පවා
උපදෙස්ම විතරක්ද
තවම මල් පිපෙනවද
ඇවිද ගිය මාවතේ
හෙමින් අසනා කෙනෙක්
ආයෙමත් හමුවෙයිද
බිළිඳුන්ගෙ මුදු හැඬුම්
අහර සැකසුම් ඉවුම්
අතර අප ජීවිතේ
පියානෝ හඬ මැකී
හැමදෙනා බැබළෙද්දි
ජීවිතේ පිටු අතර
කඳුළු ඇසෙනා කෙනෙක්
සොයාගන්නට හැකිද?
ෂසිකා අමාලි මුණසිංහ
Picture - Vincent Willem Van Gogh
