කවුරු නම් පීනත්ද උඩු ගඟ?

මිනීමරු දූපතක
පාත්තයන් මෙන් අප
එහෙට මෙහෙට පියාඹන

හිත පෙළන කටු අකුලු හැමතැන
හිත සනසන කෙනෙක් නම් නැත
ක්‍රීඩාව කෙළින කෙලුවන්ය උන්
බෝලයද පිත්තද තණබිමද උන්ගෙය

පීඩකයන්ට ආවඩන දන
අතර දියවෙයි කොඳු තැනුව බිම
මාරුතය වෙළා ගනු මිස
කවුරු නම් පීනත්ද උඩු ගඟ

ඔබේ තනි කළු-සුදු පින්තූරය

යළිත් ඔබ සහ ඇය
හමු විය යුතුය සකිසඳ
ලියූ හැම කවියක්ම
ඉල්ලා අස් කර ගනිමි මම
යළිත් ඉඳ හිට ඔබේ කවුළුව දකින විට
ඇගේ දෑසට එබී ඔබ සිනාසෙන හැටි
ඇඳී තිබිය යුතුය එහි, 

ඔබේ තනි කළු-සුදු පින්තූරයට

තමා මං අකැමති