සෆියා සුල්තානා

බිඳෙන් බිඳ බිඳා ම'හදා
සෛලයෙන් සෛලයට බැස කිඳා රිදවා
යනෙන මඟ අවුරා - පැහෙන ගිනි දහරා
සිනාවෙයි සුදු සොඳුරු මුව පාරා
සෆියා සුල්තානා

නවන්නට සිත බැරි වුණා
දනන් හට හිමි බඳුන් කිසිවක්
බිඳින්නට මට බැරි වුණා
තවන්නට ඇය රුදුරු ආශා
මහමඟට මා නොපැමිණී
තලන් මා ගත තලන් මා ගත
වියරු විලිසැන් යකු මෙනී

සිනාවෙයි සුදු සොඳුරු මුව පාරා
සෆියා සුල්තානා

විඳින්නට සුව හැකි වුණා
රජුන් පස හිඳ මවන් කුසුමක්
සිනාසෙන්නට හැකි වුණා
මවන්නට ඇය සොඳුරු විජිතේ
දනන් පිරිවර රැස් වුණා
තලා මා හිත, තලා මා ගත
දෙව්ලොවට ඈ පිවිසුණා

Shasika Amali Munasinghe