ක්‍රීඩා උත්සව දවසේ

ක්‍රීඩා උත්සව දවසේ ගේට්ටුවට උඩින් උඩින් අයිස් පලම්මයි පෙණුනේ
හවස හයට අස්ව කුරෙන් හැතපුම් ගානක් යන කොට
කැඩී බිඳුණු පාලම් ටික හිනා වුණා හරි හරියට
යෝධ යකඩ ඇස් ඇරගෙන

පත්තර කන්තෝරුවෙ වැඩ කරනා ලොකු මාම කෙනෙක්
තුවක්කුවක් වගේ එකක් දික් කරාන ආ දවසේ
ඔය අද්දර පඳුරු කොණේ හැංගුණු මගෙ පුංචි යාළු
දැකල අහල ගඟ හරි හරි හරියට හිනා වුණේ හහ් හා..

ඩෙල්ටා ටොපි කොළ තරගෙට ටොපි කන්නට සල්ලි නැතුව
ඉස්කෝලේ ළඟ ඉඳලා ගෙදරට යනකං ටොපි කොළ
බෑග් එකේ හංගගත්ත තරගය නුඹලට මතකද
ඒත් ඉතින් කවදාවත් අපි තරගය දිනුවෙ නැද්ද
දිනන තරග කවදාවත් ඒ වගෙ හමු වුණේ නැද්ද?