Friday, May 30, 2014

සිනාසිය යුතුය මා මට



ඇතැම් විට මා
සිනාසිය යුතුය මට
අනවශ්‍ය ලෙස අවංකබව දරා සිටිමින්
දුක්ඛිතභාවයට පැමිණීම පිළිබඳ

එහෙත් මා කැමති
මල් වුවත් ගස් මතම තබන්නට
උදුරා පුදසුන් මත තබමින්
මා පතන ලොව
බිඳ දැමිය යුතුද කල් තබා
කිසිවකු කියා ඇතිද
පුදසුන මත තබාම පිදිය යුතු යැයි මල්
තුරු මත තබා පිදිය නොහැකිද මුළු හදින්

සිනාසිය යුතුද මා මට
අනවශ්‍ය ලෙස අවංකබව දරා සිටිමින්
එහෙත් එය අනවශ්‍ය යැයි
කියන්නෝ කවරහුද?
ඇතැම් විට මා
සිනාසිය යුතුය මට

Picture - Vladimir Volegov, from Russia (b. 1957)

No comments:

Post a Comment