Sunday, May 12, 2013
දැරියකි ඇති මහ පිනැති
උපතින් ලද බූදලයකි
වතුපිටි ගොඩමඩ කඳු ඇති
ඇස අස ඇති සිතුවමකි
ගෙවල් දෙකකි රිය සකකි
සපිරිවරකි හද අසැති
සුපුන් සඳකි පිය රුවැති
නැදි මයිලණුවන් සොඳැති
දැරියකි ඇති මහ පිනැති
නට නට වන්නම් කවිති
පිනුම් ගසන දිය රළැති
ඇගෙ හද ඉතිරෙන දියැති
දැක අහසට දුක ම සිති
එහෙත් හඬන නෙත ම නිති
සිතමින් අරුමැති ම නැති
මුදලින් සවි දනහු නැති
මේ වග නොදකින සිතැති
.
දුක දරනා දනෝ සකි
හසගින කඳුළැල් පිසති
විසුරා සුළඟට පැහැති
පාට සියක් දිවි අඳිති
දහමින් ගැඹරැති සුදනෝ
කඳුළට සරදම් කරති
පාගා මැඩ තලන ලොවක
වුව යළි යහමින් නැඟෙති
මේ හැටි විමසනු නොහැකි
දම ගිලිහිණිදෝ යුවති?
pic. - Nasser Ovissi, Iranian, Born 1934
Subscribe to:
Post Comments (Atom)
විශිෂ්ඨයි කඳු..මෙහෙම එකක් ජීවිතේටම දැකලා නැහැ....
ReplyDelete