කුමකටද නිවන් මට????? - පෑරුණු හදින් ලියමි.

සොය සොයා ගොස් පොල් ගස්
පල නෙලූ වේලු
අදත් ආවා ගෙදර
කුසගිනි දැනි හදින
'නෝනා, එක ගෙදරකින් මං
අල්ලා දෙනව කිව්වා පොලිසියට
එහෙම කරන්නට 'හැක්ද
කුසට බතක් ඉල්ලූ විට'
වෙලා ගත් අත දුටිමි මම
තෙත බර දෑස සමඟින
"ජීවත් වෙන්න හයිය දුන්
අත කැඩුණ වැටී තුරකින්"
කෙසඟ අත විනි විද නැඟි
නහර පෙන්වා ඇසීය ඔහු
"මේ අවුරුද්දෙන් පස්සෙ මං
හිඟමනට යනවා..
අහේනියි අපට"
උපමා රූපක කොහිද
ජීවිතය කවි නොවන කොට
නුඹ වන් මිනිස් කැල අතර
කුමකටද නිවන් මට?

________________________________________________________

පෙර සටහනක්: http://amaleymunasinghe.blogspot.com/2012/08/blog-post_9556.html