පහන් තරුවක්

 

දැන් අත්තම්මා දිරා ගිහින් ඇති
මිහි මවුන් ආදරෙන් වැළඳ ගෙන
ඇගේ පෙම්බර ලකුණු පෙන්වා
හිනා වෙයි බෝවිටිය ගොන්න ම

ගොම්මනේ ගන කළුව මැද වැද
ඇවිද යන අත පත ගගා මඟ
අත්තම්මා මට දීල ගිය
විදිලි පන්දම
තව ම දිලි දිලී
එළිය පෙන්වන

නගුලු ගෝනුසු ලකුණු පෙන්වා
හිනාවෙන තාරකා පන්තිය
පරයමිනි එක පහන් තරුවක්
කිම්ද මේ හැටි එළිය දීගෙන

ගසක් වී අතු නමා අදරින්
සියලු දරුවන් එක මිටට ගත්
සිනාසෙයි අස්වැන්න සේ ඈ
තනතුරු ද නිල නම්බු නොදැන ම