ගමට යන්න හැදු බෑගය - වැළපෙයි අඳුරේ

සඳ මළ රැය
ගඟ ගල  ගල
ඉකිලනවා මඳ අඳුරේ
ඇහුණද මිතුරේ
ගඟක සුසුම් විලක තැවුල්
මුදු හිත මිස දුටුවෙද යම්
මිනිසෙකු මිතුරේ

හද පිරිපත ළතැව ළතැව
කඳුළින් ඔඩු දිවු මොහොතක
ඒ කඳුළත් උදුලනු වස්
පුද දෙමි අඳුරේ
සඳකත මිණ බැබළි බැබළි
සිතුණිද මිතුරේ

රංචු පිටින් කොවුල් පියා
නුබ ඉස නැඟ කඳුකරයට
මලින් මලට සිප ගනු වස්
ඉගිලෙයි මිතුරේ
ගමට යන්න හැදු බෑගය
වැළපෙයි අඳුරේ

Picture - Thierry Duval, French Watercolor Artist (b.1957)