Saturday, August 2, 2014

ඔබ ඔතැන ඉන්න තාක්



ගිම්හානයේ මැද
ඕක් පත් ඈතට විසිර යන කල
සඳළුතලයට වී සමනලුන් විසි කරමි අහසට
නොතකමි ඔබව මොහොතකට

පාට කරමි අහසේ තැනින් තැන
විප්ලව කරමි උඩ පනිමි ලොකුවට
ක්‍රියාවට නඟමි අයිතීන් සතු විසල් වපසරි
කරදරයක් බව දන්වමි ඉවීම ඇමදීම නමැඳීම
කතා කරමි නිදහස ගැන
ඔබ ඔතැන ඉන්න තාක්
එඩි බල පාමි සුපිළිපන් බව රකිමි

නොඅසයි ඔබ මා කියන දේ
සිහින් හිනාවක් ගිල ගනී විටින් විට
'ඕනෑවට වැඩි' කියයි ඉඳහිට නිකමට
ඔබ ඔතැන නැතිවුණොත් යම් දිනෙක
මට සිතෙයි

ගිම්හානය මැද
ඕක් පත් විසිර යයි ඈතට
මගේ අත් පවා අප්‍රාණිකව
බිඳ වැටේ පහළට

Picture - Aldo Balding

2 comments:

  1. I thought of independence,
    Identity and self-concept,
    I never thought of losing you

    ReplyDelete