"චිත්‍ර කලාවේ ඊළඟ අදියර වන්නේ පශ්චාත් උපස්ථිතිවාදය. පෝල් ගොගෑන්, වින්සන්ට් වැන්ගෝ, පෝල් සෙසෑන් තමයි එහි පුරෝගාමියෝ. 1885 දී ගොගෑන් තම පුතු ක්ලෝවිස් සමඟ පැරිසියට පැමිණියා. එහිදී ඔවුන්ට ගතකරන්න සිදුවුණේ ඉතාම දුංඛිත ජීවිතයක්. පුතා වසූරිය රෝගයට ගොදුරුව අනූනවයෙන් බේරුණා. ඔහු බිරියට මෙසේ ලියා යැව්වා.
“පුතා ගැන කේන්ති ගන්න එපා. ඔය වයසේ දරුවන්ට අඟහිඟකම් තේරෙන්නේ නැහැ. අඩු තරමින් එයාට බිත්තරේකුයි පාන් කෑල්ලකුයි දෙන්න පුළුවන් නම් ඒ හොඳටම ඇති”
ඔහු බිරියට යැවූ තවත් ලිපියක මෙසේ ලියා තිබුණා.
“මා අතේ සතයක්වත් නැත. අපි දවස් තුනක් තිස්සේ පාන් ණයට ඉල්ලා ගෙන කෑවෙමු”
Story - සුනිල් මිහිඳුකුල
නිමිත්ත - ගොගෑන්ගේ "When Will You Marry? (Tahitian: Nafea faa ipoipo?)" නමැති සිතුවම ඩොලර් මිලියන 300කට විකිණෙයි. ලොව ඉහළම මිලැති සිතුවම වෙයි.
නිමිත්ත - ගොගෑන්ගේ "When Will You Marry? (Tahitian: Nafea faa ipoipo?)" නමැති සිතුවම ඩොලර් මිලියන 300කට විකිණෙයි. ලොව ඉහළම මිලැති සිතුවම වෙයි.
උත්ප්‍රාසය කියන්නේ කවරක්ද
මොහොතකට හෝ ඔබ සිතා ඇද්ද
මුහුදකට වැටෙන කඳුළක්ද
නෙළා ගත නොහෙන තැන පිපෙන රෝස වදුලක්ද
බඩගින්නේ හඬා ඇති රාත්‍රීන් අපමණද
නියපොතු හප හපා අනන්තාකාශය වැළපෙයිද
වළකන්න පුළුවන්ද සුනංගුව වැඩපළට ජීවිතය
වැළපෙන්නවත් ඉතින් සිතුවමට පුළුවන්ද
කඳුළකින් කඳුළකට පාට වුණු කවියක්ය
අඳුරකින් අඳුරකට එළිය වුණු පහනක්ය
ඉඳින් ඔබ හට මාව සහේ ගනු පුළුවන්ද
අසා නොඅසා නුබින් මැකී ගිය තරුවක්ය
Picture - Paul Gauguin, 1892, Oil on canvas
Picture - Paul Gauguin, 1892, Oil on canvas
No comments:
Post a Comment