Thursday, October 19, 2017

විප්ලවය



යළි කිසිදාක විප්ලවය
මා තුළ නූපදිනු ඇත
මැඩ්‍රිඩ් මරකේෂ් ලිස්බන්
තවත් මට නගර විතරය
කේස් ලෝ ඕඩර්ස් සබ්මිෂන්
හුදෙක් ලිපි ගොනු විතරය

දෙපා ඇද ඇද රුහිරු බිඳු ලූ
'ලූ' ඔබ තවත් චරිතයකි
පාවෙල්, පවුලූෂා, ලෙනින්
යන්තමට ඇසුණු නම් පමණි
තා-ඕ-චිං රළු ගමන දුෂ්කරය දුක්ඛිතය
විප්ලවය සිදු වූ තැන පවා යළි යළිත් ලෙය පිරී
ධනවාදයට හැරුණි

අලස බව විසින් මැඩ දුහුවිලි පිරී තැන තැන
"ස්ටාෆ් නෑ.. පඩි නෑ" එකම කවිය උන් ගයාවි
ගඟක් කතරට හරවන්න දැරූ තැත දැන් නිමයි
විප්ලවය මළ තැනින් කවි සියක් විසිවේවි, එපමණයි

Shasika Amali Munasinghe
Picture - Laura Lee Zanghetti, American

1 comment:

  1. ඇත්ත, සැබෑ විප්ලවයේ අවශ්‍යතාවය සහ උපයෝගිතාවය මිය ගිහින්

    ReplyDelete