Monday, January 14, 2013
සොහොයුරකු සිටී මට
බැනුම් දහසක් අසා
ඇස් බලා හිනාවෙන
කඳුළු සියයක් පිස
සිනාවන් පළඳවන
සසර පෙර භව පුරා
අතින් ගෙන ඇවිද ආ
සොහොයුරකු සිටී මට
හදෙහි කැටයම් වුණ
ඉවූ පිහු සියලු දෑ
කණ පුරා වපුරන
මල් සාත්තුව සමඟ
කුරුල්ලන් එළවන
තිත්ත චොකලට් එක්ක
මහා වදයක් වෙන
වී වපුරනය ගෙන
කෙතෙහි කවි වපුරන
සොහොයුරකු සිටී මට
එකට හද මුමුණන
සෘෂිවරයෙක් වගේ
විටෙක මුණු මුමුණන
සියල්ල ම එපා වී
සැණින වනගත වන
මුහුදු දිය මතට පැන
හදෙහි රළ කලතන
මලක්මැයි සුකවි කොඳ
පෑන් තුඩ අමුණන
සොහොයුරෙකු සිටී මට
සුසුම් රැල් වාගේ ම
හාදුවක තැවරෙන
pic. - mi9.com/wallpaper/brother-and-sister-wallpaper
Subscribe to:
Post Comments (Atom)
No comments:
Post a Comment