Monday, July 3, 2017

හිත ගාව වයලීන වැයෙනවා ඇති



ජමනාරං සුවඳකින් අතීතයට හිත ඇදී ගිය මොහොතක දුරකථනය නාද වී දෙපාර්තමේන්තු ප්‍රධානියා තර්ජනය කරයි.

දිදුලන තැඹිලි පෑ ගත් පල බරව බිම බලා සිටි
ඒ ජමනාරං ගහ ළඟ නැවතුණා නම්
හිත ගාව වයලීන වැයෙනවා ඇති

හීතල සුළඟ හමා එද්දී ගස මුදුන් අත්තේ ඉඳන්
තවම කෙල්ලන් පනිනවා ඇති
ගල ගල හඬින් ගය ගයා තවම ගල ඔය ගලනවා ඇති

සහසක් ගල් බොරළු අතරේ මිණි කැට මැවෙනවා ඇති
නගරයට එන්නටත් හීන දකිනවා ඇති
රුක් අත්තන සුවඳට නටන නිල් අතු ඉති
ගම අතැර ආ පව් මෙතෙකැයි කියා නිම් නැති

Picture - Sir George Clausen, English, 1852 - 1944, "Apple Blossom"

2 comments: