ම'හිත ඇමිණුව අලුව

පාළුව ගිහින් ඇති අපේ වත්ත
හාත්පස පොල් අතු වැටී වැතිර
කදෝකිමි පෙළක් මෙන් එ මත
හිරු එළිය ඇද වැටෙනු ඇත

හාද්දක් පිණිස පෙරුම් පුරන
ගිම්හානයේ අඩදැණි සුළඟ
රාත්‍රියේ සැඟව වන ගුලක
හීන් කඳුළක් සලනු ඇත

ගෙයි වටා දුව පැන නැටූ
කොළ පාට මල් ගවුම
දැක නොරොක් බැල්මෙන් බැලූ
ඇය ද නැත - ඇය ද නැත

ගසතු 'ඟිලි වැදී තත්
කම්පිත කරන ඈ ගිතාරයක
සුළඟ සිහින් හඬ ගෙනෙනු 'ත
ඈත වනයෙන් නිහඬ

බිඳ බිඳා පුබුද පුබුදා
ම'හිත ඇමිණුව අලුව*
හඬ නඟන හැටි නිබඳ
ඇසෙනවද මිත නුඹට

අලුව* - Bow

Picture - Edward Charles Hallé, British, 1846 - 1914