නිවන් යන්ට බැරි මට මගෙ ගම හින්දයි

සවන් පුරා විඳි බිඟු නද මන නන්දයි
ලවන් සිඹි දෙලුම් දං දමුණු ද වින්ඳයි
මුවන් පැන දුවන ලඳු කඳු ආනන්දයි
නිවන් යන්ට බැරි මට මගෙ ගම හින්දයි

මීදුම් අතරමං වන කඳු සානු අග
පාදම් නතර විය කවි හදකට සු ළඟ
ලා දම් පාට කඳු හිස් සිඹි සඳ සුසග
මා දං පැසෙන්නට පෙර නික්මුණු දුරග

සාරිය අතැර දා වියැළි ව ගිය ගතින
ආදිය පල වෘක්ෂ අත ඇර කඳු අඟන
නාරිය කොහිද සියුමැලි විමසන නෙතින
රා දිය හලා 'මතු කරවයි හද විමන

Picture - Franz Bischoff, Austrian/American, 1864 - 1929