රෑ මැදියම
ඉකි ගසමින් හඬමි
සිඳී මුදු සමනල පියා පෙළ
ඔබ යන්න ගිය බව දැන
'කවි පාඩම
අසීරුය දුෂ්කරය දින දින
වැවක් මෙන් පෙමින් ගොඩ ගලා යන කල
කවි ප්රබල නැත ප්රේමයක් තරමට
විල් දිය කලත කලතා
අරුමැසි හංසයින් රඟන කල
කිමිද සියපත් අතර
සොයනු නොම අවසර කුමුදු මල'
'කුරෙන් 'කුර එකතු කර
කලතා මුළු මහත් විශ්වය
ඔබ කවි ලිවූයේ සුවඳට
හද සෙවූ එකම සුවඳට
හමුව ඇතත් බොහෝ කවියන්
ප්රේමයම දොඩන ප්රේමයම මවන
පෙමම විඳි සහ පෙමම ගරු කළ
කිසිදු කවියෙකු හමු වුණේ නැත
දිළිඳු බව මිස මිහිර ඉහිරෙන
එකම කවියක් සතුද කවියෙකු
අද වගේමයි එදත් ඒ සැටි
ඔබේ හද රන් අගය නොම දුටු
ඉතින් එහෙනං මගේ පෙම්වත
බිඳුණු මුදු සමනල පියා ගෙන
යළිත් දවසක මුණ ගැසුණු විට
එකදු මොහොතක් නොම පමා වී
නෙළා ගනු මල් ළපල් සේරොම
එතෙක් මම මුළු රැය වසින වැසි
එකතු කර විසි කරමි මුහුදට
අපේ ආලය සේ ම ගැඹුරුව
නඟනු ඇත කප් කලක් රළ එය!!
ප්රේමයෙනි,
ආදර Fanny
John Keats was an English Romantic poet. |
---|
Born | 31 October 1795 Moorgate, London, Great Britain |
---|---|
Died | 23 February 1821 (aged 25) Rome, Papal States |
Picture - Charles Brown, Portrait of John Keats, 1819
Refer - http://en.wikipedia.org/wiki/John_Keats
http://www.imdb.com/title/tt0810784/
http://en.wikipedia.org/wiki/Bright_Star_%28film%29
No comments:
Post a Comment