Friday, April 10, 2015
අත් හදා බැලිය හැක
දැන් ඔබට රස විඳිය හැක
රස කැවිල්ලක් විලස මා හද
විකා බැලිය හැක
අත් හදා බැලිය හැක
ඔබ දත් පහර විස සහිතව
මිය යාද නොදනිමි
එසේ නැතහොත්
දැක ගත හැකි වෙද ඔබට
වළකගන්නට පෙර ගිලිහ යන
කඳුළු උල්පත
අභව්යය එය, එසේ නොසිතමි
මුරණ්ඩුකාරකමය, හිතුවක්කාරකමය
නොහොබිනාකමය
මාණ්ඩලික දැරියෝ නොවෙති
නින්දාවකි කඳුළු
ගෙයි යොදුන් දහසක් දුර කොට
එ'ගෙයි අම්මා තනි කොට
වසන්තය ආ බව කිය කියා ගයන කොවුල
ගෙල සිරකොට නසන්නද කියන්නේ ඔබ
කඳුළක ගැඹුරු උල්පත
තල තලා මිටෙන් අත් හදා බැලිය හැක
Picture - Igor Medvedev
Subscribe to:
Post Comments (Atom)
No comments:
Post a Comment