කුණු කඳු වැටී මිනිසුන් මිය යන රටකි

මිතුරනි මගේ රට
කුණු කඳු වැටී
මිනිසුන් මිය යන රටකි
එක කුඩා දරුවෙකුට මල් සුවඳත්
අන් කුඩා දරුවෙකුට කුණු සුවඳත්
උරුම වන රටකි

කොටසක් කැවුම් කිරිබත් ගෙන
රාශියෙන් රාශියට මාරු වෙන රටකි
තවකෙකුට ඉහඳ ලූ
කුණු කැවිලි හිමි වන රටකි

කොටසක් නිදහස් පාරවල
ගුරුළන් විලස ඉගිලෙන රටකි
තවකෙක් අබලන් පාලමක
ලණු ලිහී මිය යන රටකි

මිතුරනි මගේ රට
කුණු කඳු වැටී
මිනිසුන් මිය යන රටකි

Picture source - http://www.bbc.com/sinhala/sri-lanka-39607662