සැරව ගලනා රාජ්‍ය සේවය නම් තුවාලයේ

සැරව ගලනා රාජ්‍ය සේවය නම් තුවාලයේ
රෝස මලක් මෙන් පැළ වී සිටීම
කොතරම් වේදනාකාරීද..

හැම මොහොතකම පලි ගැනීමේ ලියුම් අත පත් වෙන
කාර්ය සාධනය අසතුටුදායක බව දන්වන
අද්භූත චෝදනා ගැට ගසන
නිවැරදි දේ කිරීම වෙනුවෙන්
මෙහෙව් සම්මාන ලැබෙන

උදුරා දමන්නට ගස මුල
නිතරම පොර කන විට
මලක පෙති ගිලිහී
පියාපත් වෙයි මිතුර
පියාපත් සිඳ දා වනසන්නට තනන කල
තරුවක් වගේ අහසෙහි සිනා වෙයි මිතුර

කොතරම් වේදනාකාරිද නිවැරදි වීම
එබැවිනි, එන්න කියවන්න
යළි පෑන අන් අත තබනු බැරි
වේදනාවෙන් උමතු වන කවි

Picture - Scott Burdick, American, born 1967, Far Away