Wednesday, July 8, 2015

ඇල්ප්ස් කඳු මුදුනෙහි



ඔත් නැම්මකින් ඔත්පලව ඇල්ප්ස් කඳු මුදුනෙහි වලාකුළු නිදන කල
සොඳුරිය මට නුඹේ සුළඟ හා රඟ දෙන කියුඹු සිහි වෙයි
සැතපුම් ගණන් ඈතට පැමිණ ඇති 'මුත් ගෙවා බෝ දුර
එක මිටියාවතක මුළු සිතම ගොළු වෙයි
රයින් ගඟ අද්දර රන් පෑති රාජාලීන් වැළපෙන කල
තනිව දුර කූඩුවක සැතපෙන ගිරවියක සිහිවෙයි
පිනි බිඳු පවා වැටෙන්නේ මිහි ගිතාරයක තත් බිඳින්නා මෙන්ය අඳුරේ

Picture - http://wallfon.com/mountains/alps-mountains-railroad.html

3 comments:

  1. ගොඩක් ලස්සනයි
    ජය කදු

    ReplyDelete

  2. නළලතට හාදු දී පැන යන්නෙ කඳුකර මදනල
    ඔබේ ඉක්මන් සුස්ම පහරක් සිහිකර
    පිණි බිඳු මතින් පිබිදේ කුඩා වක් දේදුණු
    කුඩා නෙත් කැල්මන් වැනිව - පුබුදයි හදවත
    මිණි ගිගිරි හසරැල් නදක් සිරි කැන්දා
    සලසල හඬක් නගන්නේ දිය කඳුරකි

    කුඩා චින්චැට් කිරිල්ලකගේ තටු මත
    ස්නේහය බිඳක් තවරා මෙහෙ එවනවද?
    රත් පැහැති තුරු පතක - කුරුමිණි අකුරෙන්
    ආදරේ බවට කෙටි සටහනක් ලියනවද?

    ReplyDelete