ගෙජ්ජි හඬ වැස්ස

බිබිලට තද වැස්ස
හිකි හිකි ගා කජු කොළ හිනාවෙනවැති
ගෙජ්ජි හඬකින් දිය පිරී දොළ ගලනවැති
හබරල අතු පළිඟු මිණි දියට දමනව ඇති
තටු ගසා සැඟවුණු කොවුලෙක්
අවුරුදු ළඟැයි ගයන්නට තනනව ඇති

මදටිය, ඔළිඳ ඇට යටි වියන යට සැඟවෙනවැති
කෝච්චියක් මොකටදැයි හිවලෙක් හඬ නඟා අහනවැති
තිඹිරි ගස් තැඹිලි පැහැ මිණි මාල දියෙන් ඔප දමනව ඇති
අම්මා විතරක් බංකුවට විත් මහ පාර බලනව ඇති

Picture - Robert Hagan