මා ඔබ ගැන ගයන ගී නෑසෙනවාවත්ද

මට ලියන්නට පුළුවන්
මම ඔබ ගැන ලියනවා
මට කතා කරන්නට පුළුවන්
මම ඔබ ගැන කතා කරනවා
මේ ලොව සියලු ගහ කොළ මල් පවා මට ඇසෙන්නේ
ඔබ ගැන කතා කරනා ලෙසයි

සීත සෘතුවේ ඉහිරී ගිය
කිරි කළසක් වගේ කඳු පෙනෙන කොට
තැන තැන තණ බිම්හි බැටළුවන් රඟන කොට
ඔබ එහි නැතැයි අමතකව මෙන්
ඉඳ හිට තැනි බිම තුරු අත් සලන කොට
මුළු ලොව එකම සිතුවමක් වී
ඔබම විතරක් එහි පෙනෙන කොට
ලාක් කුරුල්ලෙකුටවත් හැකිද
ඔබ ගැන කතා නොමව සිටින්නට

තණ පලස් අතර ගලා ගිය ගංගා
ගල් ගැසී හුස්මක් නැතිව
නතර වූවාක් මෙන්ය එකවර
එක් හදවතක් එක අයෙකු ළඟ
විස්සෝපයෙන් බිමට හැලී ගෙන
කඳුළු පිස දා ගත් විලෝ තුර රැළි ගවුම
සීත සුළං 'විත් කොනිති ලන විට විටින් විට
මා ඔබ ගැන ගයන ගී නෑසෙනවාවත්ද

Picture - Charles Napier Hemy