එක් එක් දිනට හිමි
වෙන වෙනත් තනු ඇත
ඇතැම් විට ගංගා ගලා බසී දියාරුව
නැවතිය නොහැක කඩිමුඩිය බැමි බැඳ
තාරුකා වැස්සක් වැටෙයි මා වට කොට
ඇතැම් විට හිස් අහස එකදු තරුවක් නැත
සමුදුර නොසෙල්වී නිදා සිටී විටෙක
චීටාගේ පා ගොළුබෙලි කකුල් වෙයි තැනෙක
බස්සන් නටයි පියකරු බැලේ මැදියමක
උන් මුව පිපෙන්නේ වීණා සත්සරෙක
එක් එක් දිනට හිමි
වෙන වෙනත් තනු ඇත
මා ලියන්නේ තනුවටය
ඈත විශ්වයෙන් එන
Picture - Maria Ilieva
No comments:
Post a Comment