කෝච්චියක් දැකලා නැති
ඒ සුන්දර හිත් වෙනුවෙන්
ඒ වුණාට නිල් අහසේ මල් පූදිනවා
කුරුම්බැට්ටි මැසිමෙන් පොඩි ඇඳුම් මහනවා
කොස් කොළ අමුණා අගේට ඔටුනු තියනවා
උස් කඳු බෑවුම් එක් සැණයකින් දුවනවා
ජබුඃ ගාල පතුල නොදැකි දියට පනිනවා
තල'තු හෙවිල්ලපු වහලින් සරය නැඟෙනවා
සර සරයට කිරිල්ලියක් පාද තබනවා
වහලෙ අතරමැද තැනකින් හඳ පායනවා
දිරි ගත්තොත් හෙට හොඳ වෙයි නොකිය කියනවා
Picture - Bryce Cameron Liston, from Utah, US (b. 1965)
No comments:
Post a Comment