Wednesday, January 29, 2014

මිහිරි කිංකිණි නාද



වසත් කාලය පැමිණ
කවුළුවෙන් එපිට සිට
අඬගසයි මල් නෙළන්නට
පැමිණෙන්නැයි නැවත එහි

දියතෙන් නික්ම ගිය පසු
අඳුනා ගනු රිසි නොවිණ
පෙර මගේ යැයි මා බදා හුන් සිරුර
පොරෝනාවක් මෙන් උණුසුමැති ව
ඇවිද යමි උදා සිසිරයට
හැකි විගස

සූර්ය රශ්මියට පෙරළෙයි ලෝකය ම
එහෙත් එය නොම ගනී ගිනියමක් කිසියම් ම
සියුම් තන්තූන් ගෙන වියා ඇති දුහුල් සළු
අතර නොගැටී ඇදෙන ලෙහෙසි ගමනකි නිතොර

සිතියමින් මඟ ලකුණු හෙළි නොකළ කිසි විටෙක
උද්‍යාන මාවත් කිසිදු මිනිසෙකු නැති ව
නමක් නැති නැතැක් මල් පුරා ගෙන මඳ සුළඟ
රැගෙන එයි මිහිරි කිංකිණි නාද විටින් විට

Picture - Claude Monet (French, Impressionism, 1840-1926): The Church at Varengeville, 1882

No comments:

Post a Comment