Tuesday, June 4, 2013

නුඹ ළඟ නැති ව අද කඳුළට වුව දුකකි..



මගෙ හිත හොඳින් හඳුනා ගත් එක කවකි
ඒ කව ඔබ ම මිස අන් කවරෙකුද සකි
නොසැලී ළඟින් උන් දුක සැප දෙක ම රැකි
මා ගම අතැර දා ආ එක වුව පවකි

සුසුමක වුවත් ගුලි වී ඇති සියක් වැකි
මා හට වඩා එහි ඇමිණූ තිත් ද දැකි
නුඹ මෙන් නිමල මිතුරෙකු නම් මම නොදැකි
නුඹ ළඟ නැති ව අද කඳුළට වුව දුකකි

පායන වැස්ස අමුණාලා බඳින් බඳ
රෑකට වුව ද දිදුලන සිලිලාර බැඳ
මා හද ඉම්බ සුමිතුරු දොරගල කන්ද
නායට ගියේ දැකදෝ හද දුක කන්ද


No comments:

Post a Comment