මට දෙන්න ඔය තරු එළිය
තුරුපත් මත අතුරන්න
නිම්නයක වැතිර සිට
හමන සුළඟට කන් දෙන්න
විරහ වේදනාවක් අවැසි නම් ඔබ
එන්න මා හා ඇවිදින්න
හැම විට ම හද පතන දෙය
කඳු බඳෙහි ලියැවෙන්නෙ නැත
එය කතරක කිහිරඟුරක
වුව ද ලියැවිය හැක
මොහොතකින් දියව යන
සුසුදු හිම කැටියක වුව
මැකී යන ක්ෂණයෙන
සිනිඳු වැලි සිඳු අස වුව
දිනෙක එය ලියැවිය හැක
Pic. - Public domain
Artist:
Ivan Aivazovsky
No comments:
Post a Comment